ХАН-УУЛ ДҮҮРГИЙН ШҮҮХИЙН ТҮҮХЭН ЗАМНАЛ

            БНМАУ-ын Ардын Их Хурлын Тэргүүлэгчдийн 1965 оны 4 дүгээр сарын 19-ний өдрийн 79 дүгээр зарлигаар Улаанбаатар хотыг 4 районд бүсчилэн хувааж, засаг захиргааны зохион байгуулалтыг өөрчилсний дагуу мөн оны 6 дугаар сарын 26-ны өдөр хуралдсан Ажилчны районы Ардын Депутатуудын хурлын анхдугаар чуулганаар Ажилчны районы ардын шүүхийг анх байгуулжээ.

       Ажилчны районы Ардын шүүхийн даргаар ажиллаж байсан хүмүүс:

1. Б.Дашдондог /1965-1966 он/
2. Г.Цэгмид /1966-1971 он/
3. И.Цэрэндулам /1971-1982 он/,
4. Б.Пунцагдэлэг /1982-1988 он/
5. Т.Уранцэцэг /1988-1990 он/
6. Ж.Цэрэндолгор /1990-1993 он/

       Хан-Уул дүүргийн шүүхийн Ерөнхий шүүгчээр ажиллаж байсан хүмүүс:

1. Лхамжавын Сарангэрэл /1993-2000 он/
2. Даваахүүгийн Мөнхтуул /2000-2001 он/
3. Бавалын Баатар /2002-2009 он/
4. Ёндонгийн Цогтзандан /2009-2013 он/

          1989-1993 онд Ажилчны районы Ардын шүүхийн шүүгчээр Мижиддоржийн Цэрэнбалжир, Дагвадоржийн Тунгалаг, Халтарын  Батбаяр,  Борын Туяа, Тогтохын Туяа гэсэн 4 шүүгчтэй ажиллаж байсан ба дараа нь шүүгч Лувсанбалдангийн Оюунчимэг, Бямбаагийн Мөнхтуяа,  Лхамжавын Сарангэрэл нар томилогдон ажилласан байна.

         Харин нарийн бичгийн даргаар С.Энхтуяа, н.Ганширмаа, н.Нямаа, шийдвэр гүйцэтгэгчээр Сү.Оюунчимэг, Н.Сүхбаатар, бичээчээр Ш.Сэлэнгэ, жижүүр Д.Ганболд, шүүх хурлын журам сахиулагчаар С.Нямдаваа, жолоочоор н.Пунцагдулам зэрэг хүмүүс ажиллаж байжээ.

       Монгол Улсын Их Хурлын 1993 оны 6 дугаар сарын 14-ний өдөр баталсан "Шүүх байгуулах тухай” хуулиар Ажилчны районы ардын шүүхийг "Хан-Уул-Туул дүүргийн шүүх” гэсэн нэртэйгээр шинэчлэн байгуулсан бөгөөд 1994 оны 7 дугаар сарын 8-ны өдөр "Шүүх байгуулах тухай”  хуульд өөрчлөлт оруулснаар "Хан-Уул дүүргийн шүүх” хэмээн нэрлэх болсон байна.

      2013 оны 1 дүгээр сарын 24-ний өдрийн "Шүүх байгуулах тухай” хуулиар "Дүүргийн Эрүүгийн хэргийн анхан шатны 2 дугаар шүүх” нэртэй болсон бөгөөд Нийслэлийн Баянгол, Хан-Уул, Сонгинохайрхан дүүрэгт гарсан эрүүгийн хэрэг, маргааныг харьяалан шийдвэрлэх болсон.

         Монгол улсын Ерөнхийлөгчийн 2013 оны 12 дугаар сарын 18-ны өдрийн 199 дүгээр зарлигаар Ерөнхий шүүгчээр Ё.Цогтзандан, шүүгчээр А.Алтанхуяг, Д.Алтанжигүүр, Т.Алтантуяа, Г.Алтанцэцэг, Б.Батболор, Д.Батсуурь, Л.Баатар, С.Базарханд, С.Батгэрэл, Г.Ганбаатар, Л.Гансүх, Б.Дашдондов, Ц.Дайрийжав, Г.Есөн-Эрдэнэ, О.Жанчивнямбуу, Н.Мөнхбаяр, Г.Мөнхзул, М.Нармандах, Л.Оюун, Х.Одбаяр, Л.Оюунчимэг, Ц.Оюунчимэг, П.Туяат нар ажиллаж байсан.

        Улмаар 2015 оны 6 дугаар сарын 19-ны өдрийн Шүүх байгуулах тухай хуулиар тус шүүхүүдийг "Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүх” гэж нэрлэх болсон юм.

         Монгол улсын Ерөнхийлөгчийн 2015 оны 06 дугаар сарын 30-ны өдрийн 111 дүгээр зарлигаар  Ерөнхий шүүгчээр  Ёндонгийн Цогтзандан,  шүүгчид  Довчинсэнгээгийн Алтанжигүүр, Түмэн-Өлзийн Алтантуяа, Амаржаргалын Алтанхуяг, Гаанжуурын Алтанцэцэг, Лхамхүүгийн Баатар,  Сайнбаярын Базарханд, Бадамрагчаагийн Батболор, Сэлэнгийн Батгэрэл, Дэндэвийн Батсуурь, Гомбодоржийн Ганбаатар, Лувсандашийн Гансүх,  Цэгмидийн Дайрийжав, Банзрагчийн Дашдондов, Гансүхийн Есөн-Эрдэнэ, Осордэлэгийн Жанчивнямбуу, Намжилдоржийн Мөнхбаяр,  Гантөмөрийн Мөнхзул, Хашхүүгийн Одбаяр, Лхам-Янжингийн Оюун, Лханаажавын Оюунчимэг, Цэвэгдоржийн Оюунчимэг, Пагамын Туяат нарыг  томилсон байна.

           2016 оны 5 дугаар сарын 13-ны өдрийн Шүүх байгуулах тухай хуульд  өөрчлөлт оруулах тухай  хуульд заасны  дагуу  2016 оны 6 дугаар  сарын 1-ний өдрөөс "Хан-Уул дүүргийн Эрүүгийн хэргийн анхан шатны шүүх” нэртэйгээр үйл ажиллагаагаа явуулж байна.

         Монгол улсын Ерөнхийлөгчийн 2016 оны 05 дугаар сарын 31-ны өдрийн 67 дугаар зарлигаар  Хан-Уул дүүргийн Эрүүгийн хэргийн анхан  шатны шүүхийн шүүгчид Довчинсэнгээгийн Алтанжигүүр, Сайнбаярын Базарханд, Бадамрагчаагийн Батболор, Намжилдоржийн Мөнхбаяр,  Хашхүүгийн Одбаяр, Санги-Очирын Олзод, Пагамын Туяат нарыг  томилсон байна.

           Ажилчны раойны Ардын шүүхийн дарга, Хан-Уул дүүргийн шүүхийн ерөнхий шүүгч, шүүгчдийн танилцуулга /1965-2013он/

1. Б.Дашдондог/1965-1966 он/
2. Г.Цэгмид/1966-1971 он/
3. И.Цэрэндулам/1971-1982 он/
4. Б.Пунцагдэлэг/1982-1988 он/

  Шүүгч Тогтохын Уранцэцэг

            Ажилчны районы шүүхийн даргаар /1988-1990 он/   ажиллаж байгаад  /1988-1990 он   2015 оны 3 дугаар сарын 24-ны өдрөөс  Улсын Дээд шүүхийн Эрүүгийн хэргийн танхимын тэргүүнээр ажиллаж байгаад гавьяаны амралтанд гарсан бөгөөд 2021 оны 10 дугаар сард “Монгол улсын гавьяат хуульч” болжээ.

 Шүүгч Жамбалын Цэрэндолгор

            Ажилчны районы шүүхийн дарга/1990-1993 он/

 Шүүгч Лхамжавын Сарангэрэл/1993-2000 он/

            Хан-Уул дүүргийн шүүхийн Ерөнхий шүүгч. Одоо өндөр насны тэтгэвэрт гарсан.

 Шүүгч Даваахүүгийн Мөнхтуул /2000-2001он/

            Хан-Уул дүүргийн шүүхийн Ерөнхий шүүгч. Мөн  Нийслэлийн Эрүүгийн хэргийн давж заалдах шатны шүүхийн шүүгчээр ажиллаж байгаад гавьяаны амралтанд гарсан.

 Шүүгч Бавалын Баатар  /2002-2009 он/

            Хан-Уул дүүргийн шүүхийн Ерөнхий шүүгч, Сүхбаатар дүүргийн иргэний хэргийн анхан шатны шүүхийн Ерөнхий шүүгчээр  ажиллаж байгаад гавьяаны амралтаа эдэлж байгаа  “Монгол улсын гавьяат хуульч” билээ.

 Шүүгч Ёндонгийн Цогтзандан  /2009-2013 он /

            Хан-Уул дүүргийн шүүхийн Ерөнхий шүүгчээр ажиллаж байгаад одоо Чингэлтэй дүүргийн эрүүгийн хэргийн анхан шатны шүүхийн шүүгчээр ажиллаж байна.

 Хан-Уул дүүргийн шүүхийн Ерөнхий шүүгч И.Ганбат  /2017.05.12- 2021.03.01/

       Монгол улсын Ерөнхийлөгчийн 2020 оны 5 дугаар сарын 27-ны өдрийн зарлигааар шүүгчээр Д.Доржсүрэн томилогдон ажиллаж байна.

       Хан-Уул дүүргийн Эрүүгийн хэргийн анхан шатны  шүүхийн  2021 оны 3 дугаар сарын 01-ны өдрийн шүүгч нарын зөвлөгөөнөөс шүүгчдийн  олонхын саналаар Хан-Уул дүүргийн эрүүгийн хэргийн анхан шатны шүүхийн  Ерөнхий шүүгчээр Б.Батболор  сонгогдлоо.