“Түрээсийн орон сууцанд оруулж өгнө” гэх зарыг сайтар нягтлах шаардлагатай

2022/09/20 1044

Туршилтаар

 

 

“ТҮРЭЭСИЙН ОРОН СУУЦАНД ОРУУЛЖ ӨГНӨ” ГЭХ ЗАРЫГ САЙТАР НЯГТЛАХ ШААРДЛАГАТАЙ

 

 Шийдвэрийн дугаар: 2021/ШЦТ/522                                                                                                Шийдвэрийн төлөв: Хүчин төгөлдөр болсон.                                                                                                       2022.09.20 Шийдвэрийн хураангуй 2

 

        Иргэн Амар нь иргэн Одын “Лексус-470” маркийн автомашиныг 42.000.000 төгрөгөөр худалдаж авъя, төлбөрийг 7 хоногийн дотор төлнө гэж худалдах, худалдан авах гэрээ хийн уг автомашиныг өөрийн нэр дээр шилжүүлэн авсан хэдий ч гэрээнд заасан хугацаанд төлбөрийг төлөлгүй автомашиныг цааш өөрийн төрсөн дүү Очийн нэр дээр шилжүүлэн дараа нь банк бус санхүүгийн байгууллагад барьцаанд тавиулж мөнгийг өөрөө аван хувийн хэрэгцээндээ зарцуулсан бөгөөд автомашины барьцааны төлбөрийг төлөөгүйн улмаас автомашин банк бус санхүүгийн байгууллагын өмчлөлд шилжсэн байна.

       Шүүхээс Амарын дээрх үйлдлийг Эрүүгийн хуульд заасан залилах гэмт хэргийн шинжийг хангасан байна гэж үзэн гэм буруутайд тооцож, түүнд 06 сарын хугацаагаар хорих ял шийтгэв.

       Хэдийгээр дээрх тохиолдолд иргэд хооронд автомашин худалдах худалдан авах гэрээ хийсэн, энэ нь иргэний эрх зүйн харилцаа үүссэн мэт харагдах боловч Эрүүгийн хуульд заасан “залилах гэмт хэрэг”-ийн шинжүүд энэ тохиолдолд хангагдсан буюу бусдын эд хөрөнгө, эд хөрөнгийн эрхийг хуурч мэхлэх, итгэл эвдэх аргаар шууд өөрийн мэдэлд авах, анхнаасаа буцааж өгөхгүй, хариу төлбөр огт хийхгүй гэсэн санаа зорилготойгоор бодит байдлыг гуйвуулах, зохиомол байдал бий болгон худал хэлэх, гэрээ хэлцлээр халхавч хийн худал амлах аргаар бусдын эд хөрөнгийг эзэмших, өмчлөх эрхийг өөртөө шилжүүлэн авч залилах гэмт хэрэг үйлдсэн гэж шүүх дүгнэжээ.

       Өөрөөр хэлбэл, иргэн Амар нь автомашиныг анхнаасаа худалдан авах санаа зорилго агуулаагүй буюу гэрээ хэлцэл хийх аргаар итгэл төрүүлж, иргэн Одын автомашиныг өөрийн өмчлөлд шилжүүлэн авсан, төлбөр огт хийхгүй гэсэн санаа тухайн гэрээг хийхээс өмнө бий болсон, гэрээ хэлцэл нь биелэхгүй гэдгийг Амар анхнаасаа мэдэж байсан нь худалдах, худалдан авах гэрээ хийж өөрийн нэр дээр шилжүүлсний дараагаар өөрийн төрсөн дүүд уг автомашиныг шилжүүлсэн, цааш барьцаанд дамжуулан тавиулж мөнгийг авч өөртөө ашигласан байдлаар нотлогдож байх тул гэрээ хэлцлээр халхавчлан бусдыг хууран мэхэлж залилсан гэж шүүхээс үзлээ.

       Санамж: Энэ хураангуй нь шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.

 

       Шийтгэх тогтоолыг бүтнээр нь үзэх бол дараах холбоосоор үзнэ үү:

https://shuukh.mn/single_case/60340?daterange=2021-10-01%20-%202021-10-01&id=1&court_cat=2&bb=1

   

       Хураангуйг бэлтгэсэн: Хан-Уул дүүргийн Эрүүгийн хэргийн анхан шатны шүүхийн Ерөнхий шүүгч Б.Батболор

“Түрээсийн орон сууцанд оруулж өгнө” гэх зарыг сайтар нягтлах шаардлагатай  
Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүх Facebook  

Сэтгэгдэл бичих:

Нэмэх