Шүүхээс хохирогчийн хууль ёсны төлөөлөгчийг томилж, хавтаст хэргийн материалаар танилцах боломжоор хангаж, шүүх хуралдааныг хойшлуулав.

Шүүгчийн захирамж: Баянгол дүүргийн Эрүүгийн хэргийн анхан шатны шүүхийн 2024 оны 8 дугаар сарын 26-ны өдрийн 1381 дугаар.

Шийдвэрийн төлөв: Хүчин төгөлдөр.

2024 оны 10-р дүгээр сарын 19-ний өдөр  хураангуй №....

        Прокуророос шүүгдэгч Д-д холбогдуулан Эрүүгийн хуулийн тусгай ангийн 17.3 дугаар зүйлийн 2 дахь хэсгийн 2.2 дахь заалтад заасан буюу залилан мэхлэх гэмт хэрэгт холбогдуулан яллах дүгнэлт үйлдэж, хэргийг шүүхэд шилжүүлсэн байна.

         Шүүх хуралдаанд хохирогчийн өмгөөлөгч “тус хэрэгт хохирогч ...ХХК-ний хууль ёсны төлөөлөгчөөр тогтоогдсон ... нь “Австрали” улс руу явах шаардлагатай болсон тул .... ХХК-ний захирал ... хохирогчоор тогтоож өгнө үү, хэрэг хянан шийдвэрлэх ажиллагаанд оролцуулж өгнө үү” гэжээ.

        Эрүүгийн хэрэг хянан шийдвэрлэх тухай хуулийн 8.1 дүгээр зүйлийн 1 дэх хэсэгт “Гэмт хэргийн улмаас амь нас, эрүүл мэнд, бусад эрх, эрх чөлөө, эд хөрөнгийн болон эд хөрөнгийн бус хохирол хүлээсэн хүн, хуулийн этгээдийг хохирогч гэнэ” гэж, 2 дахь хэсэгт “Шүүх, прокурор, мөрдөгч хохирогчоор тогтоох тухай шийдвэр гаргана” гэж, 9.5 дугаар зүйлийн 3 дахь хэсэгт “Хууль ёсны төлөөлөгчийг тогтоохтой холбоотой маргааныг шүүх, прокурор шийдвэрлэнэ” гэж  тус тус хуульчилжээ.

      Тус хэрэгт .... ХХК хохирогчоор тогтоогдсон ба ... ХХК-ний хууль ёсны төлөөлөгчөөр ....мөрдөгч томилж мөрдөн байцаалтын шатанд хохирогчийн хууль ёсны төлөөлөгчөөр оролцсон байна.

         Хохирогчийн хууль ёсны төлөөлөгч ..... Австрали улс руу явах шаардлагатай болсон тул .... ХХК-ний захирал .....-г шүүгдэгч Д-д холбогдох эрүүгийн хэрэгт хохирогчийн хууль ёсны төлөөлөгчөөр томилж өгнө үү гэсэн өмгөөлөгчийн хүсэлтийг хүлээн авах нь зүйтэй гэж үзсэн.

          ... ХХК-ний захирал ...хохирогчоор тогтоож, түүнд эрх, үүргийг нь тайлбарлан өгч, хэргийн  материалтай танилцуулахыг шүүгчийн туслахад даалгасан тул түүнийг хэргийн материалтай танилцах боломжоор хангаж шүүх хуралдааныг хойшлуулав.

Шийдвэрийг бүтнээр нь үзэх бол: …………………..…………………

Санамж:

Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.

Хураангуйг бэлтгэсэн: Баянгол дүүргийн Эрүүгийн хэргийн анхан шатны шүүхийн Ерөнхий шүүгч Ч.Отгонбаяр