СИБИРЬ ХУШНЫ ҮР ИДЭЭ /САМАР/-ЫГ АШИГ ОЛОН ЗОРИЛГОООР БУСДААС ХУДАЛДАН АВЧ, ХЭРЭГСЛЭЭР ЗОХИХ ЗӨВШӨӨРӨЛГҮЙГЭЭР ТЭЭВЭРЛЭЖ, ОЙН САНД ХОХИРОЛ УЧРУУЛАН БАЙГАЛИЙН УРГАМЛЫГ ХУУЛЬ БУСААР БЭЛТГЭСЭН  ЭТГЭЭДЭД ЭРҮҮГИЙН ХАРИУЦЛАГА ХҮЛЭЭЛГЭВ

Шийдвэрийн дугаар: 2024 оны 01 дүгээр сарын 29-ний өдрийн 87 дугаартай шийтгэх тогтоол

Шийдвэрийн төлөв: Хүчин төгөлдөр болсон. 

Санамж: “Энэхүү тойм нь шүүхийн шийдвэрийг орлохгүй, бөгөөд олон нийтийг мэдээллээр хангах зорилготой болно”.

Баянгол дүүргийн прокурорын газрын хяналтын прокуророос Эрүүгийн хуулийн ерөнхий ангийн 3.7 дугаар зүйлийн 1 дэх хэсэгт заасныг журамлан мөн хуулийн тусгай ангийн 24.8 дугаар зүйлийн 1 дэх хэсэгт заасан “зохих зөвшөөрөлгүйгээр, хуульд зааснаас өөр зорилгоор нэн ховор, ховор ургамал, тэдгээрийн үр, эрхтэнийг худалдан авсан,  тээвэрлэсэн” гэмт хэрэгт Б, Е нарыг холбогдуулан яллах дүгнэлт үйлдэж хэргийг шүүхэд ирүүлжээ.

Тус хэргийг шүүх хуралдаанаар хянан хэлэлцэхэд 2023 оны 09 дүгээр сарын 12-ны өдөр ашиг олон зорилгооор бусдаас худалдан авч, 2023 оны 9 дүгээр сарын 13-ны өдөр Баянгол дүүргийн 6 дугаар хорооны нутаг дэвсгэрт тээврийн хэрэгслээр зохих зөвшөөрөлгүйгээр тээвэрлэж, ойн санд хохирол учруулан байгалийн ургамлыг хууль бусаар бэлтгэсэн болох нь бичгийн нотлох баримтуудаар тогтоогдсон байна.

Ойн санд хохирол учруулсан шүүгдэгч Б, Е нарын үйлдлийг шүүхээс Эрүүгийн хуулийн ерөнхий ангийн 3.7 дугаар зүйлийн 1 дэх хэсэгт заасныг журамлан мөн хуулийн тусгай ангийн 24.8 дугаар зүйлийн 1 дэх хэсэгт заасан гэмт хэрэгт гэм буруутайд тооцож, Е-д 5400 /таван мянга дөрвөн зуун мянган/ нэгжтэй тэнцэх хэмжээний буюу 5.400.000 /таван сая дөрвөн зуун мянган/ төгрөгөөр торгох ял, шүүгдэгч Б-д Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.2 дахь заалтад заасныг баримтлан 1 /нэг/ жилийн хугацаагаар тэнсэж, уг тэнссэн хугацаанд Эрүүгийн хуулийн ерөнхий ангийн 7.3 дугаар зүйлийн 2 дахь хэсгийн 2.5 дахь заалтад заасан оршин суух газар, ажлаа солих, зорчин явахдаа хяналт тавьж байгаа эрх бүхий байгууллагад урьдчилан мэдэгдэх үүрэг хүлээлгэх албадлагын арга хэмжээ авч шийдвэрлэлээ.  

            БАЯНГОЛ, ХАН-УУЛ СОНГИНОХАЙРХАН ДҮҮРГИЙН ЭРҮҮГИЙН ХЭРГИЙН АНХАН ШАТНЫ ШҮҮХИЙН ТАМГЫН ГАЗАР