БАЯНГОЛ ДҮҮРГИЙН ШҮҮХИЙН ТҮҮХЭН ЗАМНАЛ

         БНМАУ-ын Ардын Их Хурлын Тэргүүлэгчдийн 1965 оны 4 дүгээр сарын 19-ний өдрийн 79 дугаар зарлигаар Улаанбаатар хотыг 4 районд бүсчлэн хувааж, засаг захиргааны зохион байгуулалтыг өөрчилсний дагуу мөн оны 6 дугаар сарын 26-ны өдөр хуралдсан Октябрийн районы Ардын Депутатуудын хурлын анхдугаар чуулганаар Октябрийн районы ардын шүүхийг анх үүсгэн байгуулжээ.

        Октябрийн районы ардын шүүхийн даргаар :

• Бадарчийн Раапил /1965-1970 он/
• Баянжаргалын Жамсрандорж /1970- 1971 он/
• Дамбын Дашдорж /1971-1973 он/
• Чимэдрэгзэнгийн Банзрагч /1973-1974 он/
• Чойрын Бямбажав /1974-1977 он/
• Өлзийн Шийлэг /1977-1979 он/
• Балжирын Пүрэвдорж /1979-1986 он/
• Чимэдийн Доржгочоо /1986-1992 он/ нар болон ардын төлөөлөгчөөр 60 хүн сонгогдон ажиллаж байв.

         Монгол Улсын Их Хурлын 1993 оны 6 дугаар сарын 14-ний өдөр баталсан "Шүүх байгуулах тухай” хуулиар Октябрийн районы ардын      шүүхийг "Баянгол дүүргийн шүүх” нэртэйгээр шинэчлэн байгуулсан байна.

       Баянгол дүүргийн шүүхийн Ерөнхий шүүгчээр:

• Намжилдоогийн Чадраабал / 1992-1995 он/
• Дашдаваагийн Чулуунхүү / 1995-2001 он/
• Нямдоржийн Ичинхорлоо / 2001-2008 он/
• Халтарын Батбаяр / 2008- 2011 он/
• Баттогоогийн Цогт / 2012-2013 он/
• Б.Тунгалагсайхан / 2013.10.15- 2013.12.18 /
• Осордэлэгийн Жанчивнямбуу / 2016- 2021 он /
• Чулуунбаатар Отгонбаяр /2024 оноос одоог хүртэл/

            2013 оны 01 дүгээр сарын 24-ний өдрийн "Шүүх байгуулах тухай” хуулиар "Дүүргийн Эрүүгийн хэргийн анхан шатны 2 дугаар  шүүх” нэртэйгээр Нийслэлийн Баянгол, Хан-Уул, Сонгинохайрхан дүүрэгт гарсан эрүүгийн хэрэг, маргааныг харьяалан шийдвэрлэх болсон.

            Монгол Улсын Ерөнхийлөгчийн 2013 оны 12 дугаар сарын 18-ны өдрийн №199 дугаар зарлигаар Дүүргийн Эрүүгийн хэргийн анхан шатны 2 дугаар шүүхийн Ерөнхий шүүгчээр Ё.Цогтзандан, шүүгчээр А.Алтанхуяг, Д.Алтанжигүүр, Т.Алтантуяа, Г.Алтанцэцэг, Б.Батболор, Д.Батсуурь, Л.Баатар, С.Базарханд, С.Батгэрэл, Г.Ганбаатар, Л.Гансүх, Б.Дашдондов, Ц.Дайрийжав, Г.Есөн-Эрдэнэ, О.Жанчивнямбуу, Н.Мөнхбаяр, Г.Мөнхзул, М.Нармандах, Л.Оюун, Х.Одбаяр, Л.Оюунчимэг, Ц.Оюунчимэг, П.Туяат нар ажиллаж байв.

        Харин 2015 оны 6 дугаар сарын 19-ний өдрийн Шүүх байгуулах тухай хуулиар шүүхийг "Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүх” хэмээн нэрлэх болсон юм.

        Монгол Улсын Ерөнхийлөгчийн 2015 оны 6 дугаар сарын 30-ны өдрийн №111 дугаар зарлигаар анхан шатны шүүхийн шүүгч нарыг  томилсон байна.

         Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн Ерөнхий шүүгчээр Ё.Цогтзандан, шүүгчид  Д.Алтанжигүүр, Т.Алтантуяа, А.Алтанхуяг, Г.Алтанцэцэг, Л.Баатар, С.Базарханд, Б.Батболор, С.Батгэрэл, Д.Батсуурь, Г.Ганбаатар, Л.Гансүх,  Ц.Дайрийжав, Б.Дашдондов, Г.Есөн-Эрдэнэ, О.Жанчивнямбуу, Н.Мөнхбаяр, Г.Мөнхзул, Х.Одбаяр, Л.Оюун, Л.Оюунчимэг, Ц.Оюунчимэг, П.Туяат  нарыг томилсон байна.

           2016 оны 5 дугаар сарын 31-ний өдрийн Шүүх байгуулах тухай хуульд өөрчлөлт оруулах тухай хуульд заасны дагуу 2016 оны 6 дугаар  сарын 01-ний өдрөөс "Баянгол дүүргийн Эрүүгийн хэргийн анхан шатны шүүх” нэртэйгээр шүүн таслах ажиллагааг явуулж байна.

            Монгол Улсын Ерөнхийлөгчийн 2016 оны 5 дугаар сарын 31-ний өдрийн №67 дугаар зарлигаар Баянгол дүүргийн Эрүүгийн хэргийн  анхан шатны шүүхийн шүүгчид А.Алтанхуяг, Ц.Дайрийжав, Г.Есөн-Эрдэнэ, О.Жанчивнямбуу, Ц.Мөнх-Эрдэнэ, Ч.Отгонбаяр, Л.Оюун, Л.Оюунчимэг  нар томилогджээ.

        Монгол Улсын Ерөнхийлөгчийн 2019 оны 12 дугаар сарын 26-ны өдрийн зарлигаар Баянгол дүүргийн Эрүүгийн хэргийн анхан шатны    шүүхийн шүүгчээр Ц.Эрдэнэчимэг, С.Болортуяа, 2020 оны 5 дугаар сарын 27-ны өдрийн зарлигаар шүүгчээр Г.Золбоо, М.Далайхүү, Л.Одончимэг  нар томилогдон ажиллаж байна.

        Баянгол дүүргийн  Эрүүгийн хэргийн анхан шатны  шүүхийн 2021 оны 3 дугаар сарын 01-ний өдрийн шүүгч нарын зөвлөгөөнөөс шүүгчдийн  олонхын саналаар Баянгол  дүүргийн Эрүүгийн хэргийн анхан шатны шүүхийн Ерөнхий шүүгчээр О.Жанчивнямбуу сонгогдон ажиллаж байсан.

Баянгол дүүргийн Эрүүгийн хэргийн анхан шатны шүүхийн 2024 оны 3 дугаар сарын 01-ний өдрийн шүүгч нарын зөвөлгөөнөөс шүүгчдийн олонхын саналаар Баянгол дүүргийн Эрүүгийн хэргийн анхан шатны шүүхийн Ерөнхий шүүгчээр Ч.Отгонбаяр сонгогдлоо.