ШҮҮХИЙН УРЬДЧИЛСАН ХЭЛЭЛЦҮҮЛГИЙН ХУРАЛДААНААС “ХҮНИЙ БЭЛГИЙН ЭРХ ЧӨЛӨӨ, ХАЛДАШГҮЙ БАЙДЛЫН ЭСРЭГ ГЭМТ ХЭРЭГ ҮЙЛДЭХДЭЭ НУУЦААР ГАР УТАСНЫ БИЧЛЭГ ХИЙЖ, УГ БИЧЛЭГЭЭ ЦАХИМ ОРЧИНД БАЙРШУУЛНА” ГЭЖ ЗАНАЛХИЙЛСЭН ХЭРГИЙГ ПРОКУРОРТ БУЦААВ

2023/03/21 820
ШҮҮХИЙН УРЬДЧИЛСАН ХЭЛЭЛЦҮҮЛГИЙН ХУРАЛДААНААС  “ХҮНИЙ БЭЛГИЙН ЭРХ ЧӨЛӨӨ, ХАЛДАШГҮЙ БАЙДЛЫН ЭСРЭГ ГЭМТ ХЭРЭГ ҮЙЛДЭХДЭЭ НУУЦААР ГАР УТАСНЫ БИЧЛЭГ ХИЙЖ, УГ БИЧЛЭГЭЭ ЦАХИМ ОРЧИНД БАЙРШУУЛНА” ГЭЖ ЗАНАЛХИЙЛСЭН ХЭРГИЙГ ПРОКУРОРТ БУЦААВ

Шийдвэрийн дугаар: Баянгол дүүргийн Эрүүгийн хэргийн анхан шатны шүүхийн шүүгчийн 2023 оны 01 дүгээр сарын 18-ны өдрийн 150 дугаартай захирамж

Шийдвэрийн төлөв: Хүчин төгөлдөр болсон.

Процессын хураангуй дугаар №2023/05

        Баянгол дүүргийн прокурорын газрын хяналтын прокуророос иргэн Т-г 2022 оны 9 дүгээр сарын 28, 2022 оны 10 дугаар сарын 03-ны өдрүүдэд Баянгол дүүргийн 0 дүгээр хорооны 00 тоотод хохирогч 13 нас 0 сартай А-тай “Арван зургаан насанд хүрээгүй болохыг мэдсээр байж бэлгийн харьцаанд орсон” гэмт хэрэгт холбогдуулан яллах дүгнэлт үйлдэж ирүүлжээ.

      Шүүх хавтаст хэрэгт авагдсан баримтуудтай танилцаад, шүүхийн урьдчилсан хэлэлцүүлгийн хуралдаанаас хэргийг прокурорт буцаах шаардлагатай гэж үзлээ.

        Учир нь насанд хүрээгүй хохирогч А нь мөрдөн байцаалтад “Т нь надад удаа дараа хүч хэрэглэж, бэлэг эрхтнээ хөхүүлсэн, нууцаар гар утасны бичлэг хийгээд түүнийгээ цахим орчинд байршуулна, надад битгий гомдоорой, надад буруу байхгүй шүү” гэх зэргээр янз бүрээр дарамтлаад байсан. Тухайн залуу нь намайг “хүнд хэлэх юм бол бичлэгийг чинь тавина” гэсэн мэдүүлэг болон хэрэгт авагдсан бусад нотлох баримтуудаас үзэхэд хяналтын прокуророос яллагдагч Т-г Эрүүгийн хуулийн тусгай ангийн 12.5 дугаар зүйлийн 1 дэх хэсэгт заасан “Арван найман насанд хүрсэн хүн хохирогчийг арван дөрвөн насанд хүрсэн арван зургаан насанд хүрээгүй болохыг мэдэх боломжтой байсан, эсхүл мэдсээр байж бэлгийн харьцаанд орсон” гэмт хэрэгт холбогдуулан зүйлчилсэн нь хэргийн үйл баримт, хэргийн бодит нөхцөл байдалтай нийцээгүй байна гэж шүүх дүгнэсэн.

        Хохирогчийн (13 нас  0 сар 00 хоногтой) насны байдал болон иргэн Т нь бусдыг тодорхой үйлдэл хийхийг шаардаж, хүч хэрэглэхээр заналхийлсэн, эсхүл эрх, хууль ёсны ашиг сонирхолд нь хохирол учруулж болохуйц баримт, мэдээлэл тараахаар сүрдүүлсэн нийлмэл гэмт хэргийн шинж байгаа эсэхэд эрх зүйн дүгнэлт хийх шаардлагатай гэж үзэн шүүхээс иргэн Т-д холбогдох хэргийг прокурорт буцааж шийдвэрлэв.

Санамж: Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.

Хураангуйг бэлтгэсэн: Баянгол дүүргийн Эрүүгийн хэргийн анхан шатны шүүхийн шүүгч Ц.Дайрийжав

ШҮҮХИЙН УРЬДЧИЛСАН ХЭЛЭЛЦҮҮЛГИЙН ХУРАЛДААНААС “ХҮНИЙ БЭЛГИЙН ЭРХ ЧӨЛӨӨ, ХАЛДАШГҮЙ БАЙДЛЫН ЭСРЭГ ГЭМТ ХЭРЭГ ҮЙЛДЭХДЭЭ НУУЦААР ГАР УТАСНЫ БИЧЛЭГ ХИЙЖ, УГ БИЧЛЭГЭЭ ЦАХИМ ОРЧИНД БАЙРШУУЛНА” ГЭЖ ЗАНАЛХИЙЛСЭН ХЭРГИЙГ ПРОКУРОРТ БУЦААВ  
Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүх Facebook  

Сэтгэгдэл бичих:

Нэмэх