СОНГИНОХАЙРХАН ДҮҮРГИЙН ШҮҮХИЙН ТҮҮХЭН ЗАМНАЛ

          Монгол Улсын Их Хурлын 1993 оны 6 дугаар сарын 14-ний өдөр баталсан "Шүүх байгуулах  тухай” хуулиар "Сонгинохайрхан-Жаргалант    дүүргийн шүүх” нэртэйгээр анх байгуулагдсан бөгөөд 1994 оны 7 дугаар сарын 08-ны өдөр "Шүүх байгуулах тухай” хуульд өөрчлөлт    оруулснаар "Сонгинохайрхан дүүргийн шүүх” хэмээн нэрлэх болжээ.

         Тус шүүхийн анхны Ерөнхий шүүгчээр Б.Сарантуяа, шүүгчээр Ү.Түмэнжаргал, Н.Ичинхорлоо, Б.Идэрчулуун, Т.Доржбат, Д.Чулуунбаатар,    П.Сарантуяа, нарийн бичгийн даргаар  Ж.Кульдана, Ц.Оюунчимэг, бичээч И.Сэлэнгэ нар ажиллаж байв.

          Тус шүүхэд шүүгчээр ажиллаж байсан хүмүүс:

• Б.Сарантуяа /Ерөнхий шүүгчээр 1993-1999 он/
• Т.Уранцэцэг /Ерөнхий шүүгчээр 1999-2006 он/, шүүгчээр /2006-2011 он/
• Т.Цогтсайхан /Ерөнхий шүүгчээр 2006-2009 он/
• Л.Сарангэрэл /Ерөнхий шүүгчээр 2009-2011 он/
• Ж.Эрдэнэчимэг /Ерөнхий шүүгчээр 2011-2013 он/, шүүгчээр /2007-2011 он/
• Н.Ичинхорлоо /1993 -1994 он/
• Б.Идэрчулуун /1993-1998 он/
• Т.Доржбат /1993-1995 он/
• Д.Чулуунбаатар /1993-1996 он/
• П.Сарантуяа /1993-1998 он/
• Л.Нинжбат /1999-2003 он/
• Д.Уранчимэг /1995-2006 он/
• Ц.Оюунчимэг /1995-2006 он/
• Д.Байгалмаа /1993-1995 он/
• Ж.Цэнгэл /1994-1999 он/
• А.Мөнхзул /1997-1998 он/
• Оюун/1999-2003 он/
• Л.Сарангуа /1998-2003 он/
• Д.Даваасүрэн /1998-2009 он/
• Ц.Алтанцэцэг /2005-2006 он/
• Б.Сайханцэцэг /1999-2007 он/
• Ү.Түмэнжаргал /1993-2013он/
• Д.Завуд /1999-2013 он/
• З.Доржнамжин /2006-2013 он/
• Д.Лувсандорж /2006-2013 он/
• Ч.Алтанцэцэг /2006-2013он/
• Б.Батбаатар /2004-2009 он/
• С.Соёмбо-эрдэнэ /2006-2011 он/
• Ц.Алтанцэцэг /2009.-2011 он/
• М.Цэрэнбалжир /2006-2012 он/
• Ц.Туяа /2006-2007 он/
• Д.Ганзориг /2004-2013 он/

     Шүүхийн захиргаа:     Шүүхийн өдөр тутмын үйл ажиллагааг удирдан зохион байгуулах захиргааны чиг үүрэг бүхий тамгын албаны үйл ажиллагаа тасралтгүй ажиллаж ирсэн байна. Тамгын албаны үйл ажиллагаа захиргаа, үйлчилгээний гэсэн хоёр хэлбэртэй байх бөгөөд нэр бүхий хүмүүс шүүгчийн туслах бөгөөд шүүх хуралдааны нарийн бичгийн дарга, мэдээлэл лавлагааны ажилтан, бичиг хүргэгч, үйлчлэгч, жолооч гэсэн ажлуудыг үр бүтээлтэй, чин сэтгэлээсээ гүйцэтгэж ирсэн нь манай хамт олны бас нэгэн бахархал байдаг.

     Тамгын газрын, албаны дарга, төлөөлөгчөөр ажиллаж байсан хүмүүс:

• Л.Туул /1993-1997 он/
• Н.Базарсад/1997-2005 он/
• З.Болдбаатар /2005-2006 он/
• С.Хишигбаяр /2006-2008 он/
• Л.Жадамба /2008-2010 он/
• Д.Батмөнх /2010 он/
• Д.Энхбаатар /2011 он/
• Г.Нямбаяр /2011-2013 он/
• Д.Батсайхан /2013-2016/
• Н.Чулуунжав /2017-2019
• Иргэдийн төлөөлөгчөөр ажиллаж байсан хүмүүс: 

• Б.Чулуунбаатар
• Ж.Гэрэлмаа
• Д.Баасандорж
• А.Нямаа
• Г.Баасанхүү
• Н.Оюунгэрэл
• Д.Дарамрагчаа
• Г.Тунгалаг
• С.Цэвэлсодном
• Д.Баяртогтох
• Ц.Ишжав
• Ч.Зояа

          Германы техникийн хамтын ажиллагааны нийгэмлэгээс шүүхэд хэрэгжүүлж эхэлсэн төслийн хүрээнд 2000 онд компьютерын дотоод сүлжээнд анх холбогдож улмаар АНУ-ын Муж улсуудын үндэсний төвөөс хэрэгжүүлж эхэлснээр шүүх эрх мэдлийн шинэтгэл хөтөлбөрөөс 2001 онд тус шүүхийг анхан шатны загвар шүүхээр сонгон авч техник тоног төхөөрөмжөөр хангаснаар улсдаа анх удаа шүүн таслан ажиллагааны тайлан, мэдээг Judge2005 программаар гаргасан байна. Түүнчлэн 2002 онд шүүх дэх  "Мэдээлэл, лавлагааны” төвийг анх удаа санаачлан ажиллуулснаар шүүхийн үйл ажиллагааны ил тод, нээлттэй байдлыг дээшлүүлэх үр нөлөөтэй гэж үзэн улмаар Шүүхийн ерөнхий зөвлөлийн  2002 оны 68 дугаар тогтоол гарч нийт шүүхүүдэд "Мэдээлэл, лавлагааны төв” шинээр бий болгожээ.

        2013 оны 1 дүгээр сарын 24-ний өдрийн "Шүүх байгуулах тухай” хуулиар "Дүүргийн Эрүүгийн хэргийн анхан шатны 2 дугаар шүүх” нэртэй болсон бөгөөд Нийслэлийн Баянгол, Хан-Уул, Сонгинохайрхан дүүрэгт гарсан эрүүгийн хэрэг, маргааныг харьяалан шийдвэрлэх болсон.

          Монгол Улсын Ерөнхийлөгчийн 2013 оны 12 дугаар сарын 18-ны өдрийн №199  дугаар зарлигаар анхан шатны шүүхийн шүүгч нарыг томилж, Дүүргийн Эрүүгийн хэргийн анхан шатны 2 дугаар шүүхийн Ерөнхий шүүгчээр Ё.Цогтзандан шүүгчээр А.Алтанхуяг, Д.Алтанжигүүр, Т.Алтантуяа, Г.Алтанцэцэг, Б.Батболор, Д.Батсуурь, Л.Баатар, С.Базарханд, С.Батгэрэл, Г.Ганбаатар, Л.Гансүх, Б.Дашдондов, Ц.Дайрийжав, Г.Есөн-Эрдэнэ, О.Жанчивнямбуу, Н.Мөнхбаяр, Г.Мөнхзул, М.Нармандах, Л.Оюун, Х.Одбаяр, Л.Оюунчимэг, Ц.Оюунчимэг, П.Туяат нар ажиллаж байв.

          2015 оны 6 дугаар сарын 19-ний өдрийн Шүүх байгуулах тухай хуулиар тус шүүхүүдийг "Баянгол, Хан-Уул, Сонгинохайрхан дүүргийн  Эрүүгийн хэргийн анхан шатны шүүх” хэмээн нэрлэх болсон юм.

          Монгол Улсын Ерөнхийлөгчийн 2015 оны 6 дугаар сарын 30-ны өдрийн №111 дугаар зарлигаар анхан шатны шүүхийн шүүгч нарыг  томилж, Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн Ерөнхий шүүгчээр Ё.Цогтзандан,  шүүгчээр    Д.Алтанжигүүр, Т.Алтантуяа, А.Алтанхуяг, Г.Алтанцэцэг, Л.Баатар, С.Базарханд, Б.Батболор, С.Батгэрэл, Д.Батсуурь, Г.Ганбаатар, Л.Гансүх,    Ц.Дайрийжав, Б.Дашдондов, Г.Есөн-Эрдэнэ, О.Жанчивнямбуу, Н.Мөнхбаяр, Г.Мөнхзул, Х.Одбаяр, Л.Оюун, Л.Оюунчимэг, Ц.Оюунчимэг, П.Туяат  нар томилогдсон байна.

          2016 оны 5 дугаар сарын 13-ны өдрийн Шүүх байгуулах тухай хуульд өөрчлөлт оруулах  хуульд заасны дагуу 2016 оны 6 дугаар сарын 01-ний өдрөөс "Сонгинохайрхан дүүргийн Эрүүгийн хэргийн анхан шатны шүүх” нэртэйгээр үйл ажиллагаагаа явуулж, Монгол Улсын Ерөнхийлөгчийн 2016 оны 5 дугаар сарын 31-ний өдрийн №67 дугаар зарлигаар Сонгинохайрхан дүүргийн Эрүүгийн хэргийн анхан шатны шүүхийн шүүгчид Г.Алтанцэцэг, Т.Алтантуяа, Л.Баатар, Б.Батаа, Г.Ганбаатар, И.Ганбат, Л.Гансүх, Б.Дашдондов, Г.Мөнхзул, Ц.Оюунчимэг нар томилогдон ажиллаж байв.

            Сонгинохайрхан дүүргийн  Эрүүгийн хэргийн анхан шатны  шүүхийн 2021 оны 02 дугаар сарын 26-ны өдрийн шүүгч нарын зөвлөгөөнөөс  шүүгчдийн олонхийн саналаар Сонгинохайрхан дүүргийн Эрүүгийн хэргийн анхан шатны шүүхийн Ерөнхий шүүгчээр Б.Дашдондов сонгогдлоо.

            Монгол улсын Ерөнхийлөгчийн 2020 оны 5 дугаар сарын 27-ны өдрийн зарлигаар шүүгчээр Б.Бямбаабаатар, Ц.Урангуа  2021 оны 01  дүгээр сарын 18-ны өдрийн зарлигаар шүүгч С.Сэржмядаг нар томилогдон ажиллаж байна.