Өмгөөлөгчийн хүсэлтийн дагуу шүүх хуралдааныг хойшлуулав

Шүүхийн нэр, шийдвэрийн дугаар: Сонгинохайрхан дүүргийн Эрүүгийн хэргийн анхан шатны шүүх 2023 оны 3 сарын 23 өдрийн Дугаар 671 захирамж

Тоймын дугаар, огноо: 2023.03.31

Шийдвэрийн төлөв: Хүчин төгөлдөр болсон.

Санамж: Энэ тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно. 

          Нийслэлийн Сонгинохайрхан дүүргийн прокурорын газрын хяналтын прокуророос Эрүүгийн хуулийн тусгай ангийн 17.3 дугаар зүйлийн 1 дэх хэсэгт зааснаар яллах дүгнэлт үйлдэж ирүүлсэн Б.Б-д холбогдох эрүүгийн дугаартай хэргийн шүүх хуралдаанд өмгөөлөгчөөс хүсэлт ирүүлжээ.

         Өмгөөлөгч хүсэлтдээ: Шүүгдэгч Б.Б-д холбогдох хэрэгт шинээр өмгөөлөгчөөр оролцож байгаа тул хэргийн материалтай танилцах боломжит хугацаа олгон шүүх хуралдааныг хойшлуулах, мөн шүүгдэгчид авсан цагдан хорих таслан сэргийлэх арга хэмжээг өөрчлүүлэх хүсэлт гаргасан.

       Эрүүгийн хэрэг хянан шийдвэрлэх тухай хуулийн 34.16 дугаар зүйлд “шүүх хуралдаанд шинээр өмгөөлөгч нэмэгдэж оролцож байгаа” тохиолдолд шүүх хуралдааныг хойшлуулж болох талаар хуульчилсан. Үүний дагуу өмгөөлөгчид хэргийн материалтай танилцах боломжит хугацаа олгон, хүсэлтийг хүлээн авч хуралдааныг хойшлуулав.

          Харин шүүгдэгч Б.Б нь 2023 оны 3 дугаар сарын 15-ны өдөр товлогдсон шүүх хуралдаанд хувийн баталгаа гаргах тухай таслан сэргийлэх арга хэмжээг зөрчиж, хүндэтгэн үзэх шалтгаангүйгээр шүүхэд хүрэлцэн ирээгүй, саад учруулсан тул түүнд цагдан хорих таслан сэргийлэх авсан. Тиймээс өмгөөлөгчийн гаргасан цагдан хорих таслан сэргийлэх арга хэмжээг өөрчлүүлэх хүсэлтийг хүлээн авахаас татгалзан, дараагийн хуралдаан хүртэл хэвээр үргэлжлүүлэв.

Тойм бэлтгэсэн: Сонгинохайрхан дүүргийн Эрүүгийн хэргийн анхан шатны шүүхийн шүүгч М.Мөнхбаатар