Шүүхийн нэр: Сонгинохайрхан дүүргийн Эрүүгийн хэргийн анхан шатны шүүх

Шийдвэрийн дугаар: 2024 оны 1 дүгээр сарын 19-ний өдрийн дугаар 250, шүүгчийн захирамж

Процессын тойм: № 03

Огноо: 2024.01.19-ний өдөр

Шийдвэрийн төлөв: Хүчин төгөлдөр болсон

Санамж: “Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно”

Прокуророос Ө-г хүний эрүүл мэндэд хөнгөн хохирол санаатай учруулсан, хохирогч бусдыг гэмт хэрэг үйлдсэн гэж мөрдөн шалгах ажиллагааны үед худал мэдүүлсэн, гүтгэсэн, гэрчийг зориуд худал мэдүүлэг өгүүлэх зорилгоор өөрт нь хүч хэрэглэхээр заналхийлсэн, шан харамж амласан гэмт хэрэгт, М-г хүний эрүүл мэндэд хөнгөн хохирол санаатай учруулсан гэмт хэрэгт, Т, Г нарыг бусдыг гэмт хэрэг үйлдсэн гэж мөрдөн шалгах ажиллагааны үед худал мэдүүлсэн, гүтгэсэн гэмт хэрэгт, Д-г бусдыг гэмт хэрэг үйлдсэн гэж мөрдөн шалгах ажиллагааны үед худал мэдүүлсэн, гүтгэсэн гэмт хэрэгт тус тус холбогдуулан яллах дүгнэлт үйлдэж 2023 оны 4 дүгээр сарын 10-ны өдөр шүүхэд ирүүлжээ.

2023 оны 4 дүгээр сарын 14-ний өдөр яллагдагч Ө-ын хүсэлтээр шүүхийн урьдчилсан хэлэлцүүлэг явуулах товыг тогтож, 2023 оны 4 дүгээр сарын 19-ний өдөр хянан хэлэлцэж, шүүхийн урьдчилсан хэлэлцүүлгийн хуралдаанаас яллагдагч нарыг шүүхэд шилжүүлсэн.

Шүүх хуралдааны товыг 2023 оны 5 дугаар сарын 03-ны өдөр зарласан боловч шүүгдэгч Д, М нарын өмгөөлөгч нарын “шүүх хуралдаан давхацсан тул хойшлуулж өгнө үү” гэх хүсэлт, шүүгдэгч Ө “хэргийн материалтай бүрэн танилцах, гэрч нарыг оролцуулах” хүсэлтээр 1 удаа,

2023 оны 5 дугаар сарын 16-ны өдөр шүүгдэгч Д эрүүл мэндийн шалтгаан (цус харвалт)-аар шүүх хуралдаанд ирээгүй, шүүгдэгч Ө “шүүх хуралд гэрч оролцуулах, түүний өмгөөлөгч хүндэтгэн үзэх шалтгаангүйгээр хүрэлцэн ирээгүй” гэх үндэслэлээр 2 дахь удаа,

2023 оны 6 дугаар сарын 05-ны өдөр “хяналтын прокурор чөлөөтэй тул хойшлуулж өгнө үү” гэх прокурорын хүсэлт, шүүгдэгч Д эрүүл мэндийн шалтгаанаар шүүх хуралдаанд ирээгүй, шүүгдэгч Ө-н өмгөөлөгч хүндэтгэн үзэх шалтгаангүйгээр ирээгүй, гэрчийг албадан ирүүлэх шаардлагатай үндэслэлээр 3 дахь удаа,

2023 оны 6 дугаар сарын 23-ны өдөр шүүгдэгч Д эрүүл мэндийн шалтгаанаар шүүх хуралдаанд ирээгүй, шүүгдэгч Ө-н өмгөөлөгч хүндэтгэн үзэх шалтгаангүйгээр ирээгүй, шүүгдэгч Г “Төв аймагт шүүх хуралд хохирогчоор оролцох тул хойшлуулж өгнө үү” гэх үндэслэлүүдээр 4 дэх удаа,

2023 оны 7 дугаар сарын 06-ны өдөр шүүгдэгч Д эрүүл мэндийн шалтгаанаар шүүх хуралдаанд ирээгүй, шүүгдэгч Ө-н томилогдсон өмгөөлөгч хэргийн материалтай танилцах хүсэлт гаргасан, гэрч, шүүгдэгч нарыг албадан ирүүлэх шаардлагатай үндэслэлээр 5 дахь удаа,

2023 оны 9 дүгээр сарын 04-ний өдөр шүүгдэгч Ө шүүх хуралдаан даргалагчийг татгалзан гаргах тухай хүсэлт гаргасан үндэслэлээр 6 дахь удаа,

2023 оны 9 дүгээр сарын 27-ны өдөр шүүгдэгч Т-н өмгөөлөгч, гэрч Н нар нь шүүх хуралдаанд хүндэтгэн үзэх шалтгаангүйгээр хүрэлцэн ирээгүй, гэрчийг албадан ирүүлэх шаардлагатай үндэслэлээр 7 дахь удаа,

2023 оны 10 дугаар сарын 05-ны өдөр шүүгдэгч Ө өөрийн өмгөөлөгчөөс татгалзаж, өмгөөлөгч нь цаашид оролцох боломжгүй болсон тул татгалзан гарч, шүүгдэгч Ө-д өөр өмгөөлөгч сонгон авах боломж олгох шаардлагатай үндэслэлээр 8 дахь удаа,

2023 оны 11 дүгээр сарын 06-ны өдөр шүүгдэгч Ө-н сонгон авсан өмгөөлөгч нар шүүх хуралдаан давхацсан тул шүүх хуралдааныг хойшлуулж өгнө үү гэх хүсэлтийг ирүүлсэн үндэслэлээр 9 дэх удаа,

2023 оны 11 дүгээр сарын 20-ны өдөр шүүгдэгч Ө өөрийн өмгөөлөгчөөс татгалзаж, шүүгдэгч Ө нь өөрөө өмгөөлөгч сонгон аваагүй тул шүүхээс өмгөөлөгч томилж ирүүлэхийг Монголын Хуульчдын холбоо, Өмгөөлөгчдийн холбоонд хүсэлт явуулах үндэслэлээр 10 дахь удаа,

2023 оны 12 дугаар сарын 07-ны өдөр шүүгдэгч Д, Т нарын өмгөөлөгч шүүх хуралдаан давхацсан тул шүүх хурлыг хойшлуулж өгнө үү гэх хүсэлтийг ирүүлж, шүүгдэгч Ө нь өөрийн сонгон авсан өмгөөлөгчөөсөө татгалзаж, Монголын Хуульчдын холбоо, Өмгөөлөгчдийн холбооноос өмгөөлөгч томилох боломжгүй гэх хариуг ирүүлсэн тул шүүгдэгч Ө болон түүний хууль ёсны төлөөлөгч, гэр бүлийн гишүүн, төрөл садангийн хүн нь өмгөөлөгч сонгон авах боломжтой гэх үндэслэлээр 11 дэх удаа,

2024 оны 1 дүгээр сарын 05-ны өдөр улсын яллагч томилолтоор оролцож хэргийн материалтай танилцах хүсэлт гаргаж, гэрч М хүндэтгэн үзэх шалтгаангүйгээр хүрэлцэн ирээгүй тул албадан ирүүлэх, шүүгдэгч Ө-д зайлшгүй өмгөөлөгч оролцуулах шаардлагатай үндэслэлээр 12 дахь удаа,

2024 оны 1 дүгээр сарын 19-ний өдөр шүүгдэгч Ө-н томилогдсон өмгөөлөгч хэргийн материалтай танилцах хүсэлт гаргаж, шүүгдэгч Д-н өмгөөлөгч шүүх хуралдаанд хүндэтгэн үзэх шалтгаангүйгээр хүрэлцэн ирээгүй гэх үндэслэлээр 13 дахь удаа шүүх хуралдаан хойшлогдсон.

Эрүүгийн хэрэг хянан шийдвэрлэх тухай хуульд зааснаар шүүх хэргийн бодит байдлыг талуудын мэтгэлцээний үндсэн дээр тогтоох ба шүүгдэгч Ө-ийн өмгөөлөгч шүүх хуралдааны товыг мэдсэн атлаа 3 удаа шүүх хуралдаанд хүндэтгэн үзэх шалтгаангүйгээр ирээгүй тул Монголын өмгөөлөгчдийн холбоонд албан бичиг хүргүүлэхэд өмгөөлөгч нь нас барсан талаар мэдэгдсэн тул Монголын Хуульчдын холбоо, Өмгөөлөгчдийн холбоонд тус тус өмгөөлөгч томилуулахаар албан бичиг явуулсан боловч өмгөөлөгч томилох хууль зүйн боломжгүй талаар хариу ирүүлж, мөн шүүгдэгч Ө өөрийн сонгон авсан 3 өмгөөлөгчөө татгалзан гаргажээ.  

Мөн шүүгдэгч нар хэргийн талаар харилцан эсрэг сонирхолтой бөгөөд шүүгдэгчийн нэг нь өмгөөлөгчтэй байгаа бол бусад шүүгдэгч нар заавал өмгөөлөгчтэй оролцохыг хуулиар зохицуулсан тул шүүгдэгч Ө-д хуульд зааснаар томилогдсон өмгөөлөгч оролцуулахаар шийдвэрлэсэн.   

Уг хэргийн шүүх хуралдааныг 2024 оны 1 дүгээр сарын 30-ны өдөр товлож хийсэн болно.

Тоймыг бэлтгэсэн: Сонгинохайрхан дүүргийн Эрүүгийн хэргийн анхан шатны шүүхийн шүүгч Л.Баатар