ЗАРИМ ХҮНД ХОЛБОГДОХ ХЭРГИЙГ БУРУУ ТУСГААРЛАСАН ТУЛ ПРОКУРОРТ БУЦААВ

Шүүхийн нэр: Сонгинохайрхан дүүргийн Эрүүгийн хэргийн анхан шатны шүүхийн 2023.11.17-ны өдрийн 2023/ШЗ/2557 шүүгчийн захирамж

Шүүхийн процессын тойм: 2023.12.07

Шийдвэрийн төлөв: Хүчин төгөлдөр болсон.

Санамж: “Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.”

Прокуророос А, П, М, З, Д, С нарыг бүлэглэж дүүргийн нутаг дэвсгэрт үйл ажиллагаа явуулах "Т” ХХК-ны агуулахад нэвтэрч иргэн Э-гийн угаалгахаар өгсөн байсан их хэмжээний ноолуурыг нууцаар, машин механизм ашиглаж хулгайлан авч хохирол учруулсан гэмт хэрэгт яллагдагчаар татжээ.

Яллагдагч Д, С нарыг оргон зайлсан үндэслэлээр хэргийг тусгаарлан яллагдагч А, П, М, З нарт яллах дүгнэлт үйлдэн хэргийг шүүхэд шилжүүлсэн. 

Яллагдагч нарын өмгөөлөгчөөс шүүхийн урьдчилсан хэлэлцүүлэг явуулах хүсэлт гаргасныг шүүх хүлээн авч, шүүхээс гэмт хэрэгт хамтран оролцсон этгээдүүдийг бүгдийг олж тогтоон шүүхэд ирүүлэх нь хэргийг тал бүрээс нь бүрэн бодитой хянан шийдвэрлэхэд ач холбогдолтой тул “хэргийг буруу тусгаарласан” гэж прокурорт буцааж шийдвэрлэлээ.

Тоймыг бэлтгэсэн: Сонгинохайрхан дүүргийн Эрүүгийн хэргийн анхан шатны шүүхийн шүүгч Г.Энхцэцэг