ОРОСЫН ХОЛБООНЫ УЛСАД ҮЙЛДЭГДСЭН ХЭРГИЙГ ШИЙДВЭРЛЭВ.

2023/11/27 234
ОРОСЫН ХОЛБООНЫ УЛСАД ҮЙЛДЭГДСЭН ХЭРГИЙГ ШИЙДВЭРЛЭВ.

Сонгинохайрхан дүүргийн Эрүүгийн хэргийн анхан шатны шүүхийн 2023.07.03-ны өдрийн 2023/ШЦТ/865 шийтгэх тогтоол

 

Шүүхийн процессын тойм: 2023.11.26

Шийдвэрийн төлөв: Хүчин төгөлдөр болсон.

Санамж: “Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно.”

          Шүүгдэгч Г нь 2022 оны 5 дугаар сарын 30-ны өдөр Оросын холбооны улсын Кызыль хотод хохирогч Б-ийн эзэмшлийн  УВХ улсын дугаартай Митсубиши Делика маркийн тээврийн хэрэгслийн эд ангийг хууль бусаар эвдэж, гэмтээсний улмаас бусдад 450,000 төгрөгийн хохирол учруулсан гэх гэмт хэрэгт холбогдосныг прокуророос гэм буруутайд тооцуулахаар шүүхэд шилжүүлжээ. 

          Монгол Улсын Дээд шүүхийн Эрүүгийн хэргийн танхимын тэргүүний “Шүүхийн харьяалал тогтоох тухай” 180 дугаар тогтоолоор Монгол Улсын хилийн гадна үйлдэгдсэн буюу Оросын Холбооны улсын Кызыль хотод үйлдэгдсэн хэргийг Сонгинохайрхан дүүргийн Эрүүгийн хэргийн анхан шатны шүүхэд шийдвэрлүүлэхээр шүүхийн харьяалал тогтоосон.

          Монгол Улсын иргэн хилийн гадна Эрүүгийн хуульд заасан гэмт хэрэг үйлдэж, тухайн гэмт хэрэгт эрүүгийн хариуцлага хүлээлгээгүй бол Монгол Улсын Эрүүгийн хуулиар хариуцлага хүлээлгэнэ гэж заасан.

          Шүүгдэгч Г-ийн үйлдсэн гэмт хэрэг нь Оросын Холбооны Улсын Кызыль хотод үйлдэгдсэн нь Эрүүгийн хуулийн дээрх зохицуулалтад хамаарч байгаа тул шүүхээс гэм буруутайд тооцож, 02 сая төгрөгөөр торгох ял оногдуулж, хохирлын 450,000 төгрөгийг төлүүлэхээр шийдвэрлэв.

Шүүхийн шийдвэрийг бүтнээр нь үзэх цахим холбоос:

https://shuukh.mn/single_case/91511?daterange=2023-01-01%20-%202023-11-26&id=1&court_cat=2&bb=1

Тоймыг бэлтгэсэн: Сонгинохайрхан дүүргийн Эрүүгийн хэргийн анхан шатны шүүхийн шүүгч Б.Булгантамир

ОРОСЫН ХОЛБООНЫ УЛСАД ҮЙЛДЭГДСЭН ХЭРГИЙГ ШИЙДВЭРЛЭВ.  
Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүх Facebook  

Сэтгэгдэл бичих:

Нэмэх