“ОЮУ ТОЛГОЙД АЖИЛД ОРУУЛЖ ӨГНӨ” ГЭЖ 46 ХҮНИЙГ ЗАЛИЛСАН ХЭРГИЙН ШҮҮХ ХУРАЛДААН ХОЙШИЛСОН ҮНДЭСЛЭЛҮҮД

2023/02/28 239
“ОЮУ ТОЛГОЙД АЖИЛД ОРУУЛЖ ӨГНӨ” ГЭЖ 46 ХҮНИЙГ ЗАЛИЛСАН ХЭРГИЙН ШҮҮХ ХУРАЛДААН ХОЙШИЛСОН ҮНДЭСЛЭЛҮҮД

Шүүхийн нэр: Сонгинохайрхан дүүргийн Эрүүгийн хэргийн анхан шатны шүүх

Шийдвэрийн дугаар: 2023 оны 02 дугаар сарын 08-ны өдөр, 2023/ШТ/30

Процессын тойм: № 02

Огноо: 2023.02.16-ны өдөр

Шийдвэрийн төлөв: Хүчин төгөлдөр болсон

Санамж: “Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно”

З-г Залилах гэмт хэргийг байнга үйлдэж амьдралын эх үүсвэр болгосон гэмт хэрэгт холбогдуулан Эрүүгийн хуулийн тусгай ангийн 17.3 дугаар зүйлийн 3 дахь хэсгийн 3.1-т зааснаар, Ё-г Эрүүгийн хуулийн тусгай ангийн 17.3 дугаар зүйлийн 1 дэх хэсэгт зааснаар прокуророос яллах дүгнэлт үйлдэж 2022 оны 11 дүгээр сарын 15-ны өдөр шүүхэд шилжиж ирсэн.

2022 оны 11 дүгээр сарын 28-ны өдөр З-ын өмгөөлөгч урьдчилсан хэлэлцүүлэг явуулах хүсэлт /Эрүүгийн хэрэг хянан шийдвэрлэх тухай хуулийн 33.1 дүгээр зүйлийн 6 дахь хэсэгт заасан үндэслэлээр/ ирүүлсэнтэй холбогдуулан яллагдагчийг шүүхэд шилжүүлэх хугацааг 30 хоногоор сунгуулсан.  

Шүүхийн урьдчилсан хэлэлцүүлгийг 2022 оны 12 дугаар сарын 09-ны өдөр товлон зарласан боловч яллагдагч З-н өмгөөлөгчийн хүсэлтээр хурал 1 удаа  хойшилж, 2022 оны 12 сарын 23-ны өдөр хянан хэлэлцэж, шүүхийн урьдчилсан хэлэлцүүлгээс яллагдагч нарыг шүүхэд шилжүүлж, шүүх хуралдааны товыг тогтоосон боловч иргэний нэхэмжлэгчээр Г-г тогтоож, хэрэг хянан шийдвэрлэх ажиллагаанд оролцуулж, хэргийн материалтай танилцуулах зорилгоор 1 удаа, шүүгдэгч З-ын өмгөөлөгч Монгол Улсын  Их Хурлын хянан шалгах түр хорооны сонсголд оролцох болсонтой холбогдуулан 1 удаа, яллах дүгнэлт үйлдсэн прокурор нь ээлжийн амралтаа авсан тул түүний оронд томилогдсон прокурор нь хурал давхацсан шалтгаанаар 1 удаа, нийт 4 удаа шүүх хуралдаан хойшлогдсон.

Эрүүгийн  хэрэг хянан шийдвэрлэх  тухай хуульд зааснаар эрүүгийн хэргийг шүүхэд хянан шийдвэрлэхэд хохирогч, өмгөөлөгч, иргэний нэхэмжлэгч, прокурор нарыг бүрэн хамруулан оролцуулах нь мэтгэлцэх зарчмыг хангах чухал ач холбогдолтой, энэ үүргийг шүүхэд оногдуулсан тул шүүхээс Эрүүгийн хэрэг хянан шийдвэрлэх тухай хуулийн 34.11, 34.12 дугаар зүйлд зааснаар шүүх хуралдааныг удаа дараа хойшлуулсан, уг хэргийн шүүх хуралдааныг 2023 оны 02 дугаар сарын 28-ны өдөр товлосон болно.

            Тоймыг бэлтгэсэн: Сонгинохайрхан дүүргийн Эрүүгийн хэргийн анхан шатны шүүхийн шүүгч Г.Алтанцэцэг

“ОЮУ ТОЛГОЙД АЖИЛД ОРУУЛЖ ӨГНӨ” ГЭЖ 46 ХҮНИЙГ ЗАЛИЛСАН ХЭРГИЙН ШҮҮХ ХУРАЛДААН ХОЙШИЛСОН ҮНДЭСЛЭЛҮҮД  
Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүх Facebook  

Сэтгэгдэл бичих:

Нэмэх