Шийтгэх тогтоолын дугаар: Баянгол дүүргийн Эрүүгийн хэргийн анхан шатны шүүхийн 2024 оны 7 дугаар сарын 16-ны өдрийн 1194 дугаар шүүгчийн захирамж.

Шийдвэрийн төлөв: Хүчин төгөлдөр болсон.

Шүүхийн шийдвэрийн тойм дугаар №........../

          Шүүгдэгч Б.А нь 2021 оны 03 дугаар сарын 25-ны өдөр "Р.Х" ХХК-тай байгуулсан 21/25 дугаартай "Бараа материал нийлүүлэх гэрээ"-нд заасан хугацаанд үүргийн гүйцэтгэлээ биелүүлээгүй гэдгээ мэдсээр байж иргэн М.Ж-г хуурч, бодит байдлыг нуух замаар төөрөгдөлд оруулан, 2022 оны 06 дугаар сарын 13-ны өдөр Баянгол дүүргийн 2 дугаар хорооны нутаг дэвсгэрт байрлах “ТД" худалдааны төвийн 3 давхарт байрлах нотариатын газарт 2021 оны 03 сарын 25-ны өдөр "ЭТЭ" ХХК-тай байгуулсан 1010/23 дугаартай "Орон сууц захиалгын гэрээ"-нд тусгасан Хан-Уул дүүргийн ** дүгээр хороо, Хүүшийн ам, Наадамчдын зам "B"-2 төслийн В блокийн 1 орцны 10 дугаар давхрын 23 тоот хаягт байрлах, 122,71 м.кв талбайтай, 4 өрөө орон сууцны зориулалттай үл хөдлөх эд хөрөнгийн захиалагчийн эрхийг шилжүүлэх гэрээ байгуулж, улмаар хохирогч М.Ж-с 177,163,967 төгрөгийн үнэ бүхий Сүхбаатар дүүргийн ** дугаар хороо, Бага тойруу гудамж ** дугаар байрны ** тоот хаягт байршилтай 72.14 м.кв 2 өрөө байрыг 144,280,000 төгрөгөөр, мөн 49,612,500 төгрөгийн үнэ бүхий "VP B**" маркийн автомашиныг 60,000,000 төгрөгөөр, 44,156,250 төгрөгийн үнэ бүхий "LХ IS**t маркийн автомашиныг 70,000.000 төгрөгөөр тус тус тооцож, өөрийн нэр дээр  итгэмжлэл хийлгэн, мөн 167,311,000 төгрөгийг өөрийн Хаан банкны 5819****** дугаарын дансаар шилжүүлэн авч хохирогч М.Ж-д нийт 438,243,717 төгрөгийн буюу их хэмжээний хохирол учруулж залилсан гэмт хэрэгт холбогджээ.

            Шүүгдэгч Б.А-н уг үйлдэлд нь Баянгол дүүргийн прокурорын газрын хяналтын прокуророос Эрүүгийн хуулийн тусгай ангийн 17.3 дугаар зүйлийн 2 дахь хэсгийн 2.2-т заасан гэмт хэрэгт холбогдуулан яллах дүгнэлт үйлдэж хэргийг шүүхэд шилжүүлжээ.

            Эрүүгийн хэрэг хянан шийдвэрлэх тухай хуулийн 1.7 дугаар зүйлд Хэргийн бодит байдлыг талуудын мэтгэлцээний үндсэн дээр тогтоодог тул  Эрүүгийн хэрэг хянан шийдвэрлэх тухай хуулийн 8.6 дугаар зүйлийн 1 дэх хэсэгт “...гэмт хэргийн улмаас учирсан эд хөрөнгийн болон эд хөрөнгийн бус хохирлыг хууль ёсоор хариуцвал зохих хүн, хуулийн этгээдийг иргэний хариуцагчаар татан оролцуулж болно...” гэж заасны дагуу, "Р.Х" ХХК-г иргэний хариуцагчаар тогтоож мэдүүлэг авч гэмт хэргийн улмаас учирсан хохирол хор уршгийг хариуцах эсэхийг шалгахыг прокурорт даалгасны эцэст хэргийг шийдвэрлэх нь зүйтэй гэж үзлээ.

            Эрүүгийн хэрэг хянан шийдвэрлэх тухай хуулийн 34.16 дугаар зүйлийн 5 дахь хэсэгт заасан “Шүүх хуралдааны явцад нотлох баримтаар тогтоогдсон хэргийн нөхцөл байдлыг үндэслэн шүүгдэгчид холбогдох хэргийн зүйлчлэлийг хүндрүүлэхээр бол, эсхүл энэ хуулийн 33.1 дүгээр зүйлийн 6 дахь хэсгийн 6.13, 6.14-т заасан гомдлыг шийдвэрлэх зорилгоор шүүх хэргийг хянан хэлэлцэхийг нэг удаа 60 хүртэл хоногоор хойшлуулна.” гэсний дагуу шүүгдэгчийн өмгөөлөгчийн Р.Х" ХХК-г иргэний хариуцагчаар татуулах хүсэлтийг хүлээж авч шүүх хуралдааныг хойшлуулж шүүгдэгч Б.А-д холбогдох эрүүгийн хэрэг хянан хэлэлцэх шүүх хуралдааныг хойшлуулав.

  Шийдвэрийг бүтнээр нь үзэх бол: …………………..…………………

                     Хураангуйг бэлтгэсэн: Баянгол дүүргийн Эрүүгийн хэргийн анхан шатны шүүхийн шүүгч Ц.Мөнх-Эрдэнэ