АРХИ УУСНЫ УЛМААС 1 ЖИЛ 02 ХОНОГИЙН ХОРИХ ЯЛЫГ БИЕЧЛЭН ЭДЛЭХЭЭР БОЛОВ.

2024/05/17 29
АРХИ УУСНЫ УЛМААС 1 ЖИЛ 02 ХОНОГИЙН ХОРИХ ЯЛЫГ БИЕЧЛЭН ЭДЛЭХЭЭР БОЛОВ.

Шийдвэрийн дугаар: Баянгол дүүргийн Эрүүгийн хэргийн анхан шатны шүүхийн 2024 оны 5 дугаар сарын 14-ний өдрийн 42 дугаартай шүүгчийн захирамж.

Шийдвэрийн төлөв: Хүчин төгөлдөр болоогүй.

Процессын хураангуй дугаар №2024/

Санамж: Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.

       Шүүгдэгч /эмэгтэй/ М нь хохирогч Б-г хутгалж эрүүл мэндэд нь хүнд хохирол санаатай учруулсан үйлдэлдээ шүүхээс 3 жил 5 сарын хугацаагаар хорих ял авчээ.

      Хоригдол /эмэгтэй/ М-ийг хорих ялаа эдэлж байхад нь хорих ангийн тодорхойлолтыг үндэслэн прокурорын дүгнэлт бичигдснээр шүүх уг 3 жил 5 сарын хугацаагаар хорих ялаас 1 жил 02 хоногийн хугацаанаас өмнө суллаж, мөн хугацаагаар хяналт тогтоож, хяналт тогтоосон хугацаанд архи, согтууруулах ундааны зүйл хэрэглэсэн тохиолдолд эдлээгүй үлдсэн 1 жил 02 хоногийн хорих ялыг биечлүүлэх эдлүүлэх тухай албадлагын арга хэмжээ авч шийдвэрлэсэн байна.

       Ялтан /эмэгтэй/ М нь хяналт тогтоосон 1 жил 02 хоногийн хугацаанаас 10 сарын хугацаанд шүүхээс хүлээлгэсэн албадлагын арга хэмжээг зөрчөөгүй буюу архи, согтууруулах ундааны зүйл хэрэглээгүй байсан байх боловч “Мартын 8” гэсэн баяр тэмдэглэж, найзуудтайгаа удаан уулзаагүй гэх шалтгаанаар архи ууж, улмаар архины хордлогод орж “Сэтгэцийн эрүүл мэндийн үндэсний төв” эмнэлэгт хэвтэн эмчилгээ хийлгэжээ.

       Архи уусан дээрх нөхцөл байдал нь шүүхээс хүлээлгэсэн албадлагын арга хэмжээг зөрчсөн гэж үзэх хуулийн үндэслэл болох тул ялтан /эмэгтэй/ М-ийн эдлээгүй үлдсэн 1 жил 02 хоногийн хугацаагаар хорих ялыг биечлэн эдлүүлэхээр тогтоов.          

Хураангуйг бэлтгэсэн: Баянгол дүүргийн Эрүүгийн хэргийн анхан шатны шүүхийн шүүгч О.ЖАНЧИВНЯМБУУ

АРХИ УУСНЫ УЛМААС 1 ЖИЛ 02 ХОНОГИЙН ХОРИХ ЯЛЫГ БИЕЧЛЭН ЭДЛЭХЭЭР БОЛОВ.  
Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүх Facebook  

Сэтгэгдэл бичих:

Нэмэх