ШҮҮГЧИЙН ТАНГАРАГ ӨРГӨХ ЁСЛОЛЫН АРГА ХЭМЖЭЭ ЗОХИОН БАЙГУУЛАГДЛАА

         Монгол Улсын Ерөнхийлөгчийн 2023 оны 12 дугаар сарын 28-ны өдрийн 152 дугаар зарлигаар Баянгол дүүргийн Эрүүгийн хэргийн анхан шатны шүүхийн шүүгчийн албан тушаалд Б.Билгүүнийг томилж,  шүүгчийн тангараг өргөх ёслолын ажиллагааг 2024 оны 01 дүгээр сарын 04-ний өдөр зохион байгуулав.

         Шүүгчийн тангараг өргөх ёслолын ажиллагааг тус шүүхийн Тамгын газрын дарга О.Солонго удирдаж, Монгол Улсын Ерөнхийлөгчийн зарлигийг уншиж сонордуулан шүүгч тангараг өргөснөөр Монгол Улсын шүүхийн тухай хуулийн 38 дугаар зүйлийн 38.1-д зааснаар Б.Билгүүний шүүгчийн бүрэн эрх энэ өдөр эхэлж байна.

        Шүүгчийн тангараг өргөх ёслолын ажиллагаанд шинээр томилогдсон шүүгчид Баянгол дүүргийн Эрүүгийн хэргийн анхан шатны шүүхийн Ерөнхий шүүгч О.Жанчивнямбуу баяр хүргэж үг хэллээ.

        Шүүгч Б.Билгүүн Танд ажлын өндөр амжилт хүсэн ерөөе.