Монгол Улсын ерөнхийлөгч Ухнаагийн Хүрэлсүх Тулгар төрийн 2233, Их Монгол Улс байгуулагдсаны 818, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ойг тохиолдуулан зарлиг гаргаж, шүүгчдэд төрийн дээд одон, медаль хүртээлээ.

Шагналыг энэ өдөр (2024.07.10) Шүүхийн ерөнхий зөвлөлийн дарга Л.Энхбилэг, гишүүн Р.Онончимэг нар гардуулан өглөө.

Хөдөлмөрийн гавьяаны улаан тугийн одонгоор Хан-Уул дүүргийн Эрүүгийн хэргийн анхан шатны шүүхийн шүүгч С.Базарханд, Алтан гадас одонгоор шүүгч Д.Доржсүрэн

Шүүхийн ерөнхий зөвлөлийн даргын тушаалаар:

Шүүхийн тэргүүний ажилтан цол, тэмдэгээр шүүгчийн туслах Э.Нармандах, Хүндэт тэмдэгээр шүүгчийн туслах Ж.Оюунхүү, Жуух бичгээр шүүгчийн туслах М.Уранчимэг

Хууль зүй, Дотоод хэргийн яамны Хүндэт жуух бичгээр шүүхийн тамгын газрын хэргийн хөдөлгөөний удирдлагын хэлтсийн дарга Г.Гантуяа нар тус тус шагнагдлаа.

Та бүхэнд ажлын өндөр амжилт хүсэн ерөөе.