Сонгинохайрхан дүүргийн шүүхийн 30 жилийн ойг тохиолдуулан тус шүүхийн Тамгын газраас хуульчийн сонгон шалгаруулалтад бэлтгэж буй шүүхийн захиргааны ажилтан, сонирхсон эрх зүйч нарт зориулан "Иргэн болон Эрүүгийн эрх зүйн бодлого бодох аргачлал" сэдэвт сургалтыг 2023.06.16-ны өдөр танхим болон цахим хэлбэрээр амжилттай зохион байгуулж, нийт 173 эрх зүйч үнэ төлбөргүйгээр хамрагдлаа. Сургалтын зорилго, ойн үйл ажиллагааны талаар Сонгинохайрхан дүүргийн Эрүүгийн хэргийн анхан шатны шүүхийн Ерөнхий шүүгч Б.Дашдондов нээж үг хэлэн, сургалтыг Сонгинохайрхан дүүргийн Иргэний хэргийн анхан шатны шүүхийн Ерөнхий шүүгч Б.Хишигбаатар, Сонгинохайрхан дүүргийн Эрүүгийн хэргийн анхан шатны шүүхийн шүүгч М.Мөнхбаатар нар удирдан явууллаа.