Төрийн албаны тухай хууль, Улсын Их Хурлын 2019 оны 21 дүгээр тогтоолоор баталсан “Төрийн захиргааны албан тушаалын зэрэг дэв, түүний нэмэгдэл олгох журам”-д заасны дагуу шүүхийн захиргааны 78 ажилтан Төрийн захиргааны албан тушаалын зэрэг дэв шинээр болон ахиулан авахаар хүсэлтээ ирүүлсэн байна. Тэдгээрийн ирүүлсэн хүсэлтийн дагуу материалын иж бүрдэлд хяналт тавьж, холбогдох хууль, журамд заасан шаардлага хангасан 69 ажилтанд Шүүхийн ерөнхий зөвлөлийн даргын 2022 оны 02 дугаар сарын 07-ны өдрийн 21 дүгээр тушаалаар зэрэг дэвийг шинээр болон ахиулан олгожээ.