Шүүх зөвхөн шийтгэдэг газар биш харин үнэн зөвөөр шийдвэр гаргадаг гэдгийг өөрийн биеэр мэдэрлээ, шүүхэд баярлалаа

2021/08/27 281
Шүүх зөвхөн шийтгэдэг газар биш харин үнэн зөвөөр шийдвэр гаргадаг гэдгийг өөрийн биеэр  мэдэрлээ, шүүхэд  баярлалаа

Шүүхийг зорин очиж, хэрэг маргаанаа шийдвэрлүүлж  байгаагүй хүн тэнд ямар амьдрал “буцалж” байдгийг тэр бүр төсөөлөхгүй.

Тэр тусмаа шинэчлэгдэж буй шүүхийн бодит байдлыг нүдээр үзэж, чихээр сонсоогүй хүнд ахиц өөрчлөлт нь төдийлөн мэдрэгдэхгүй.

Энэ удаад Сонгинохайрхан дүүргийн Эрүүгийн хэргийн анхан шатны шүүхээр хэргээ шийдвэрлүүлсэн иргэн Х.Өнөболд шүүхэд баярласан сэтгэгдлээ илэрхийлэхээр хандсан  ярилцлагыг хүргэж байна.

            Х.Өнөболд: Би шүүхийн  байгууллагын талаар ямар ч ойлголтгүй, нийгэмд шүүхийн талаар тааламжгүй мэдээллүүд явж байдаг тэр жишгээр л бодож явсан болохоос биш өөрөө хэргээ  шийдүүлэхээр орж ирнэ  гэж огт  төсөөлж  явсангүй.   

           Ж.Оюунцэцэг: Та ямар хэрэгт холбогдож  шүүхээр орсон талаараа товч ярихгүй юу.

           Х.Өнөболд: Миний тухайд гэртээ хэсэг найзуудын  хамт  зугаацах зорилгоор  покер тоглож  байсан нь хэрэгтэн болгох шахсан бөгөөд намайг  Эрүүгийн хуулийн тусгай ангийн 20.17 дугаар зүйлийн 1 дэх хэсэгт заасан  “Мөрийтэй тоглоом зохион байгуулах”  гэмт хэрэг үйлдсэн гэм буруутайд тооцож, 2 сая төгрөгөөр торгох торгуулийн ял  оногдуулахаар прокуророос санал гаргасныг  шүүх  хянан хэлэлцээд хэргийг  “гэмт хэргийн шинжгүй “ гэх үндэслэлээр  хэрэгсэхгүй болгож  цагаатгасанд туйлын их баяртай байгаа. Би анхнаасаа өөрийгөө  хэрэг хийгээгүй, энэ бол хэрэг биш гэж бодож  байсан боловч  прокуророос яллах дүгнэлтийг  хүлээж авахад  байдал тийм биш байсан.  Гэвч шүүхийн байгууллага нь буруутай хүнийг буруутгаж, буруугүй  хүнийг буруугүй гэж үнэн зөвийг дэнсэлж, шийддэг газар гэдгийг биеэрээ мэдрээд явж  байна.

          Ж.Оюунцэцэг: Танд  цаашид хүүхэд залууст хандаж анхааруулах, сэрэмжлүүлж хэлэх              үг байгаа юм  байна  гэж  харж байна.

          Х.Өнөболд: Цаашид залууст хандаж хэлэхэд хүн бүр заавал яллах дүгнэлт авснаар аливаа асуудлыг ойлгох  биш урьдчилж хэрэгт орохгүй байхад анхаарах  ёстой төдийгүй бид  хууль, журамтай оронд  ажиллаж , амьдарч байгаагаа  ямагт  санаж  явах хэрэгтэй гэдгийг шүүхийн танхимд  ойлгож  ухаарсан. Мөн прокурор анхан шатны шүүхийн цагаатгах тогтоолыг зөвшөөрөхгүй давж заалдах шатны шүүхэд хандсанаар дахин шүүх хурлаар ороход  анхан шатны шүүхийг зөв шийдсэн байна гэж үзэж цагаатгах тогтоолыг хэвээр үлдээн шийдвэрлэсэн.  Аль ч шатны шүүх заавал шийтгэдэг  биш  харин  хэргийг ул суурьтай хянаж,  үнэн зөв шийдвэр гаргадгийг   харлаа. Ингээд Сонгинохайрхан дүүргийн Эрүүгийн хэргийн анхан шатны шүүхийн шүүгч Б.Батаа болон шүүхийн хамт олонд  ажлын амжилт хүсье. 

.

Ярилцлагыг : Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн  ОНХ-мэргэжилтэн Ж.Оюунцэцэг.

Шүүх зөвхөн шийтгэдэг газар биш харин үнэн зөвөөр шийдвэр гаргадаг гэдгийг өөрийн биеэр мэдэрлээ, шүүхэд баярлалаа  
Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүх Facebook