Сонгинохайрхан дүүргийн Иргэдийн төлөөлөгчдийн хурлын дарга, Гэмт хэрэг, зөрчлөөс урьдчилан сэргийлэх ажлыг зохицуулах салбар зөвлөлийн дарга Б.Золбоо болон ажлын албанаас 2025 оны 5 дугаар сарын 28-ны өдөр тус шүүхийн Тамгын газрын байр болон албан хаагчдын ажиллах орчин нөхцөл, гадна авто машин зогсоол, зам талбай, орц гарц ямар байгаа талаар шүүхийн байранд хүрэлцэн ирж танилцав.
Тус уулзалтаар Шүүхийн Тамгын газрын зүгээс тулгамдаж буй асуудлын талаар мэдээлэл хийж, тодорхой асуудлуудыг шийдвэрлүүлэх тал дээр дэмжлэг үзүүлэхээр боллоо.
Мөн дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс Шүүхийн Тамгын газарт шинээр насанд хүрээгүй гэрч, хохирогчийн эрхийг хамгаалах тусгай өрөө байгуулахад дэмжлэг үзүүлсний дагуу тус өрөөнд шаардлагатай тоног төхөөрөмж суурилуулж бүрэн ашиглалтад оруулсан нээлтийн арга хэмжээнд оролцлоо.
