Тус шүүхээр шийдвэрлэгдэж байгаа эрүүгийн хэргийн хохирогчийн тодорхой хувийг насанд хүрээгүй хохирогч буюу хүүхдүүд эзэлж байна. Мөн шүүх хуралдаанд насанд хүрээгүй гэрч, хохирогчийн тусгайлсан өрөө байдаггүйгээс шүүх хуралдаанд оролцож байгаа хүүхдүүдийн эрх зөрчигдөж болзошгүй асуудал тулгардаг. Хүүхдийн эрх зөрчигдөх, хүүхэд шүүхээр тайван үйлчлүүлэх хэрэгцээ шаардлага бий болж байгаагаас улбаалан насан хүрээгүй гэрч, хохирогчийн өрөөг бий болгох зайлшгүй шаардлага үүсэж шүүх хуралдаанд хохирогчид болон ялангуяа хүүхдийг гэмт этгээдтэй нүүр тулгахгүйгээр шүүх хуралдаанд тайван оролцуулж тэдний эрхийг хамгаалах, сэтгэл зүйн онцлогийг харгалзаж, айдасгүй тайван тухтай хүүхдэд ээлтэй орчин бүрдүүлэх, хүүхэд хамгааллын нийгмийн бодлогын хүрээнд гэрч, хохирогчийн өрөөг бэлдэн, онлайн хэлбэрээр хүүхдийг шүүх хуралд оролцуулах боломжийг бүрдүүллээ.
"Насанд хүрээгүй гэрч, хохирогчийн өрөө”-г шүүхийн байранд байгуулснаар шүүх хуралдаанд хүүхэд оролцох шаардлагатай үед хэргийн оролцогчдоос тусгаарлан онлайнаар оролцуулах боломж бүрдэж байгаа юм.
Бидний ирээдүй болсон хүүхдийн эрхийг шүүхийн шатанд хангах боломжийг бүрдүүлэн уг өрөөг тохижуулахад туслалцаа үзүүлсэн Сонгинохайрхан дүүргийн гэмт хэргээс урьдчилан сэргийлэх ажлыг зохицуулах салбар зөвлөлд талархал илэрхийлье.
ХҮҮХЭД БИДНИЙ ИРЭЭДҮЙ
