ТАЛАРХАЛ

Хүүхдийн эрх зөрчигдөх, хүүхэд шүүхээр тайван үйлчлүүлэх хэрэгцээ шаардлага бий болж байгаагаас улбаалан, шүүх хуралдаанд хохирогчид болон ялангуяа хүүхдийг гэмт этгээдтэй нүүр тулгахгүйгээр шүүх хуралдаанд тайван оролцуулж тэдний эрхийг хамгаалах, сэтгэл зүйн онцлогийг харгалзаж, айдасгүй тав тухтай хүүхдэд ээлтэй орчин бүрдүүлэх, хүүхэд хамгааллын нийгмийн бодлогын хүрээнд насанд хүрээгүй гэрч, хохирогчийн өрөөг ашиглалтад оруулсан.

Тус өрөөнөөс шүүх хуралдааны танхимтай цахимаар холбогдон шүүх хуралдаанд оролцох боломжийг бий болгоход техник технологийн туслалцаа үзүүлж, шүүх хуралдааны танхим болон насанд хүрээгүй гэрч, хохирогчийн өрөөнд 2 ширхэг 75 инчийн зурагт болон бусад шаардлагатай зүйлсийг хүлээлгэн өгч бидний ирээдүй болсон хүүхдийн эрхийг шүүхийн шатанд хангах боломжийг бүрдүүлэхэд туслалцаа үзүүлсэн Баянгол дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн дарга болон ажлын албанд талархал илэрхийлье.

Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхийн Тамгын газар