НИЙСЛЭЛИЙН ШҮҮХИЙН ШИЙДВЭР ГҮЙЦЭТГЭХ ГАЗАРТАЙ ХАМТАРСАН УУЛЗАЛТ ЗОХИОН БАЙГУУЛЛАА
Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхийн Ерөнхий шүүгч Б.Дашдондов болон тус шүүхийн удирдлагууд Нийслэлийн шүүхийн шийдвэр гүйцэтгэх газрын хорихоос өөр төрлийн ял эдлүүлэх хэлтсийн удирдлагуудтай 2026 оны 4 дүгээр сарын 16-ны өдөр хамтарсан уулзалт зохион байгууллаа.
Уулзалтаар шүүхээс хорихоос өөр төрлийн ялаар шийтгүүлсэн ялтны хүчин төгөлдөр шийдвэрийг Эрүүгийн хэрэг хянан шийдвэрлэх тухай хуулийн 37.4, Шүүхийн шийдвэр гүйцэтгэх тухай хуулийн 6 дугаар зүйлийн 6.5 дахь хэсгийг үндэслэн гүйцэтгэх хуудас бичихгүйгээр шийтгэх тогтоол, магадлал, тогтоолыг Нийслэлийн шүүхийн шийдвэр гүйцэтгэх газарт хуулийн хэрэгжилтийг ханган хүргүүлэхэд тулгамдаж буй асуудлаар санал солилцлоо.
