Монгол Улсын Ерөнхийлөгчийн 2023 оны 02 дугаар сарын 17-ны өдрийн 17, 18,19 дугаар зарлигаар Ц.Амар, Б.Булгантамир, Б.Наранжаргал нар Сонгинохайрхан дүүргийн Эрүүгийн хэргийн анхан шатны шүүхийн шүүгчийн албан тушаалд томилогдож, шүүгчийн тангараг өргөх ёслолын ажиллагааг 2023 оны 02 дугаар сарын 27-ны өдөр зохион байгууллаа.

             Шүүгчийн тангараг өргөх ёслолын ажиллагааг тамгын газрын дарга О.Солонго удирдаж, Монгол Улсын Ерөнхийлөгчийн зарлигийг уншиж сонордуулан шүүгч тангараг өргөснөөр Монгол Улсын Шүүхийн тухай хуулийн 38 дугаар зүйлийн 38.1-д зааснаар шүүгчийн бүрэн эрх эхэлж байна. Шинээр томилогдсон шүүгчид тус шүүхийн Ерөнхий шүүгч Б.Дашдондов баяр хүргэж, цаашдын ажилд нь амжилт хүслээ.