Баянгол дүүргийн Эрүүгийн хэргийн анхан шатны шүүх - Хан-Уул дүүргийн Эрүүгийн хэргийн анхан шатны шүүх - Сонгино хайрхан дүүргийн Эрүүгийн хэргийн анхан шатны шүүх - Баянгол, Хан-Уул, Сонгино хайрхан дүүргийн Эрүүгийн хэргийн анхан шатны шүүхийн тамгын газар

Томуугийн вакцинд хамрагдлаа

             Томуу, томуу төст өвчний дэгдэлт эхэлж байгаатай холбогдуулан Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхийн Тамгын газар ХӨСҮТ-тэй хамтран нийт шүүхийн шүүгч, захиргааны албан хаагчиддаа томуу, томуу төст өвчнөөс урьдчилан сэргийлэх зорилгоор Томуугийн эсрэг вакцинд хамрууллаа. Энэхүү вакциныг хийлгэснээр ханиад хүндрэх, өвчилсний дараа бусдад халдаах эрсдэлийг бууруулна. Дэлхийн Эрүүл Мэндийн байгууллагаас тухайн жилийн найрлагыг жил бүр баталдаг тул вакцинд хамрагдах хүсэлтэй хүмүүс жил бүр шинээр хийлгэх шаардлагатай болдог аж. Вакциныг хийлгэснээс хойш хоёр долоо хоногийн дараа дархлаа тогтож, нэг жилийн туршид ханиад томуунаас хамгаалдаг байна.

 

 Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхийн Тамгын газраас мэдээлж байна


ХӨСҮТ-ийн Сайн дурын дархлаажуулалтын кабинетийн сувлагч  Б.Нарантуяа томуу, томуу төст өвчнөөс урьдчилан сэргийлэх талаар дараах зөвлөгөөг хүргэж байна.

 Вакцин хийлгэх зайлшгүй шаардлагатай хүмүүс

         1.Ясли цэцэрлэгт явдаг бага насны хүүхдүүд

         2. Хүн ам бөөнөөр цугладаг байгууллага, газарт ажиллаж, амьдардаг хүмүүс (Цэргийн албан хаагчид)

         3. Эрүүл мэндийн болон үйлчилгээний байгууллагын ажиллагсад

         4. Чихрийн шижин бөөрний үйл ажиллагааны алдагдал гэх мэт янз бүрийн архаг өвчний улмаас эмнэлгээр байнга үйлчлүүлэгсэд

         5. Уушгины багтраа гэх мэт амьсгал болон зүрх судасны тогтолцооны архаг эмгэгтэй, өөрөөр хэлбэл ханиад томуугаар өвчилбөл уг өвчин хүндрэх эрсдэлтэй хүмүүс

Вакцин хийлгэж болохгүй хүмүүс

          -Урьд өмнө томуугийн вакцинд эсвэл түүний найрлагад харшил өгч байсан хүмүүс

          -Өндөг, тахианы маханд харшилтай хүмүүс

           -6-аас доош сартай хүүхдүүд

Илэрч болох гаж нөлөө

Томуугийн вакцин аюулгүй, голдуу гаж нөлөө илэрдэггүй. Гэхдээ зарим тохиолдолд вакцин хийлгэсний дараа гаж нөлөө илэрч магадгүй тул 15 минутын турш сууж хүлээх хэрэгтэй. Вакцин тарьсан хэсэгт бага зэрэг хөндүүрлэх, хавдах, улайх, бага зэрэг халуурах зовиур нь вакцинд үзүүлэх бие махбодын хариу урвал сайн явагдаж байна гэж үзэх бөгөөд ихэнхдээ 1-2 хоногийн дараа арилна.

 

Сэтгэгдэл бичих
Нэр:
Цахим хаяг:
Код:
          Включите эту картинку для отображения кода безопасности
Код шинэчлэх

Кодыг бичнэ үү: