Баянгол дүүргийн Эрүүгийн хэргийн анхан шатны шүүх - Хан-Уул дүүргийн Эрүүгийн хэргийн анхан шатны шүүх - Сонгино хайрхан дүүргийн Эрүүгийн хэргийн анхан шатны шүүх - Баянгол, Хан-Уул, Сонгино хайрхан дүүргийн Эрүүгийн хэргийн анхан шатны шүүхийн тамгын газар

“ХУУЛЬЧИЙН ПРО БОНО-2019” ӨДӨРЛӨГТ ОРОЛЦОВ

Монголын Хуульчдын холбооны Ерөнхийлөгчийн тушаалаар жил бүрийн 05 дугаар сарын 01-ний өдрийг "Хуульчийн про боно өдөр” болгож, Монгол орон даяар тэмдэглэн өнгөрүүлэхээр шийдвэрлэсэн.  Энэ жилийн өдөрлөг 2019 оны 05 дугаар сарын 01-ний лхагва гарагт Сүхбаатарын талбайд зохион байгуулагдсан бөгөөд Монголын Хуульчдын холбоо, Нийслэлийн Засаг даргын Тамгын газар, Шүүхийн ерөнхий зөвлөл, Улсын Ерөнхий прокурорын газар, Шүүхийн шийдвэр гүйцэтгэх ерөнхий газар, Татварын ерөнхий газар, Нийгмийн даатгалын ерөнхий газар, Хууль зүйн туслалцааны төв, Нотариатчдын танхим, өмгөөллийн нөхөрлөлүүд хамтран анх удаагаа хууль зүйн зөвлөгөө, мэдээлэл өгч хуульчийн нийтэд тустай мэргэжлийн үйл ажиллагааг хэрэгжүүлж байгаагаараа онцлог боллоо.

            Тус өдөрлөгт Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхийн Тамгын газраас  захиргаа, үйлчилгээний 7 ажилтан ажиллаж нийт 100 гаруй иргэдэд

·  Шүүх болон шүүхийн тамгын газрын үйл ажиллагааг сурталчлан таниулах

·  Архивын үйлчилгээ үзүүлэх

·  Хэрэг шийдвэрлэх ажиллагааны талаар

·  Гомдол хүсэлт гаргах

·  Шүүхийн иргэдийн төлөөлөгч

·  Хохирол төлбөр хэрхэн гаргуулах талаар мэдээллийг хүргэж, үйлчилгээ үзүүллээ.

Таслан сэргийлэх арга хэмжээний тухай, ялын тухай ойлголт, зөрчлийн тухай хууль, тэнсэн албадлагын арга хэмжээ хэрэглэх, эрүүгийн хариуцлага хүлээлгэх үндэслэл зэрэг нийт 15 төрлийн 500 орчим гарын авлага, тараах материалуудыг бэлтгэж иргэдэд хүргэн ажиллалаа.

Өдөрлөгт оролцсон иргэд шүүхийн үйл ажиллагааны талаар зөвлөгөө, мэдээллийг нэг дороос үнэ төлбөргүй авч байгаадаа баяртай байгаагаа илэрхийлж байлаа.








 
 
Хэвлэл мэдээлэл, олон нийттэй харилцах мэргэжилтэн
Сэтгэгдэл бичих
Нэр:
Цахим хаяг:
Код:
          Включите эту картинку для отображения кода безопасности
Код шинэчлэх

Кодыг бичнэ үү: