Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхийн Тамгын газрын дэргэдэх Ахмадын салбар зөвлөлийн гишүүд 2026 оны 5 дугаар сарын 20-ны өдөр батлагдсан хөтөлбөрийн хүрээнд Ахмадын холбооны гишүүдийн танилцах уулзалт, ярилцлагад амжилттай оролцлоо.
Арга хэмжээнд Ахмадын салбар зөвлөлийн тэргүүн, ахмад шүүгч Л.Оюунчимэг, ахмад шүүгч Ц.Оюунчимэг, Л.Оюун, Ч.Ганболд, Ц.Туяа, Х.Алтанцэцэг болон ахмад ажилтан Ж.Нарантуяа, Н.Чулуунжав, П.Батбаатар, Ж.Оюунцэцэг нар оролцов.
Ахмадын төлөөллийг Шүүхийн ерөнхий зөвлөлийн Захиргаа, удирдлагын газрын дарга Л.Санжрагчаа, Шүүхийн ахмадын холбооны Удирдах зөвлөлийн гишүүн, Монгол Улсын гавьяат хуульч Б.Сарантуяа, Д.Тайванхүү нар угтан авч, батлагдсан хөтөлбөрийн дагуу үйл ажиллагааг зохион байгууллаа.
Шүүхийн ерөнхий зөвлөлийн дарга П.Золзаяа, Шүүхийн ерөнхий зөвлөлийн гишүүн Г.Даваадорж нар ахмадын төлөөлөлтэй уулзан, тэдний санал хүсэлт, талархлыг сонсож, эрүүл энх, урт удаан наслахын ерөөл дэвшүүлэв.
Мөн ахмадын холбооны гишүүд Улсын дээд шүүхийн байранд зочлон, шүүхийн байрны чанар, хүртээмж, ил тод, нээлттэй байдал, шүүх хуралдааны танхимын зохион байгуулалт, үзмэрийн танхим болон номын сангийн үйл ажиллагаатай танилцлаа.
Уулзалтын үеэр Шүүхийн ахмадын холбооны үйл ажиллагаа, цаашид хэрэгжүүлэх ажил, гишүүдийн нийгмийн асуудлыг судалж төлөвлөх чиглэлийн талаар мэдээлэл өгч, салбар зөвлөлийн гишүүд санал хүсэлтээ чөлөөтэй илэрхийлсэн үр дүнтэй уулзалт боллоо.
ШҮҮХИЙН АХМАДЫН ХОЛБООНЫ АЖЛЫН АЛБА
