“ТВИННИНГ” ТӨСЛИЙН ЗӨВЛӨХҮҮДТЭЙ УУЛЗАЛТ ХИЙВ
Тус шүүхийн Ерөнхий шүүгч Б.Дашдондов, шүүгчид болон Тамгын газрын дарга М.Нямсүрэн нар 2026 оны 4 дүгээр сарын 22-ны өдөр Шүүхийн ерөнхий зөвлөлийн Гадаад харилцаа, хамтын ажиллагааны газрын дарга Д.Мөнхбат, Шүүгчийн сонгон шалгаруулалт, хүний нөөцийн газрын дарга Т.Сосорбарам болон холбогдох албаны төлөөлөлтэй хамтран Европын холбооны санхүүжилттэй “Монгол Улсын шүүхийн шинэтгэлийг үр дүнтэй хэрэгжүүлэх нь” Твиннинг төслийн суурин зөвлөх Кристоф Копецки, богино хугацааны зөвлөх Карл-Хаинц Волески, Гудрун Шеперс нартай уулзалт хийлээ.
Уулзалтын үеэр зөвлөхүүд шүүхийн байр, үйл ажиллагаа, орчин нөхцөл, шүүх хуралдааны танхим болон албан өрөөнүүдтэй биечлэн танилцаж, шүүхийн үйл ажиллагаа, хэрэг хянан шийдвэрлэх чиглэлээр хэрэгжүүлж буй арга хэмжээний талаар мэдээлэл авав.
Төслийн зөвлөх Карл-Хаинц Волески, Гудрун Шеперс нар ХБНГУ-д шүүгч бэлтгэх тогтолцоо, шалгуур шаардлага, улсын нэгдүгээр болон хоёрдугаар шатны шалгалтын онцлог, ерөнхий шүүгчийн чиг үүрэг, шүүгчийн үйл ажиллагааны үнэлгээ, туршилтын хугацааны талаар дэлгэрэнгүй танилцуулж, оролцогчдын асуултад хариулан, харилцан мэдээлэл солилцов.