Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхийн тамгын газар 2025 оны 6 дугаар сарын 09-ний өдөр Баянгол, Хан-Уул, Сонгинохайрхан дүүргийн прокурорын газар болон Нийслэлийн Шүүхийн шийдвэр гүйцэтгэх газартай хамтарсан уулзалт, хэлэлцүүлэг зохион байгуулсан.
Уг уулзалтаар шүүхийн шийдвэр, гүйцэтгэх баримт бичгийг Нийслэлийн шүүхийн шийдвэр гүйцэтгэх газарт хүргүүлэхэд гарч буй хүндрэл бэрхшээл, ялын биелэлтийн хяналтыг хэрхэн хэрэгжүүлэх талаар ярилцсаны үр дүнд 3 байгууллагын дунд “Гүйцэтгэх хуудасны хяналтын систем”-ыг шинээр нэвтрүүлж хэрэгжүүлэх нэгдсэн дүгнэлт хүрсэн.
Дээрх системийг нэвтрүүлэхийн тул үе шаттай арга хэмжээ авч, дотоод нөөц бололцоогоо ашиглан “ГҮЙЦЭТГЭХ ХУУДАСНЫ ХЯНАЛТЫН СИСТЕМ”-ийг 2025 оны 8 дугаар сарын 20-ны өдрөөс шинээр нэвтрүүлэн, системийн танилцуулга, сургалтыг явуулж ажиллалаа.
Гүйцэтгэх хуудасны хяналтын систем нь Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхийн тамгын газар, Нийслэлийн Шүүхийн Шийдвэр гүйцэтгэх газрын Хорихоос өөр төрлийн ял эдлүүлэх хэлтэс, Баянгол, Хан-Уул, Сонгинохайрхан дүүргийн прокурорын газрын дунд ашиглагдах бөгөөд 3 байгууллага тухай бүр системийн хэрэгжилтийг хангаснаар:
1. Шүүхийн шийдвэрийн хэрэгжилтийг цахим орчинд бүртгэх, хянах
2. Иргэд, байгууллагад ил тод мэдээлэл хүргэх
3. Гүйцэтгэлийн явцыг байгууллага хооронд шуурхай солилцох
4. Ажилтны ажлын ачааллыг бууруулах
5. Цаг хэмнэх
6. Мэдээллийн нэгдсэн сан бүрдүүлэх
7. Мэдээ, тайлан гаргах зэрэг ач холбогдолтой юм.
Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхийн Тамгын газар
