Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхийн Тамгын газар нь 2025 оны тавдугаар сард Сонгинохайрхан дүүргийн 29 дүгээр хорооны нутаг дэвсгэрт байрлах Эвлэрүүлэн зуучлах шүүхийн байрны гуравдугаар давхрын 309 тоот өрөөг (хуучнаар СХД-ийн Иргэний хэргийн анхан шатны шүүхийн байр) иж бүрэн засварлаж, шаардлагатай тоног төхөөрөмж, эд зүйлсээр тохижуулан, Ахмадын салбар зөвлөлийн гишүүддээ хүлээлгэн өглөө.
Уг өрөөг шинэчлэн засварлахдаа ширээ, сандал, цонхны хөшиг, компьютер, принтер зэрэг албан ажлын үндсэн хэрэгслүүдийг бүрэн хангасан бөгөөд ахмадуудын ажил, амралтаа өнгөрүүлэх таатай нөхцөлийг бүрдүүлсэн юм.
Ахмадууд өөрсдийн гэсэн орчин, өрөө тасалгаатай болсондоо урамшин, хамтын хүчээр дундын хуримтлалаасаа тодорхой хөрөнгө гарган өрөөндөө нэмэлтээр шаардлагатай зүйлсийг худалдан авсан бөгөөд зарим гишүүд хувиасаа хандив өргөсөн нь өрөөний тав тух, үйл ажиллагааны орчныг улам сайжруулахад чухал хувь нэмэр орууллаа.
Цаашид уг өрөөг Ахмадын зөвлөлийн хурал, зөвлөгөөн зохион байгуулах, өдөр тутмын ажлыг зохицуулах, мөн ахмадуудын чөлөөт цагаа үр бүтээлтэй өнгөрүүлэх зориулалтаар ашиглахаар төлөвлөж байгаа тул самбар, теннисний цохиур, дартс, хөзөр, шагай, ус буцалгагч, кофе, цай зэрэг хэрэглээний зүйлсийг байршуулсан болно.
Ийнхүү 2025 оны үйл ажиллагааны төлөвлөгөөнд тусгагдсан нэгэн чухал ажлыг амжилттай хэрэгжүүлж дуусгалаа.
Ахмадуудынхаа санал санаачилга, хүсэлтийг бодитоор хэрэгжүүлж, тэдэнд хүндэтгэлтэй хандсан Баянгол, Хан- Уул, Сонгинохайрхан дүүргийн Эрүүгийн хэргийн анхан шатны тойргийн шүүхийн Тамгын газрын дарга М.Нямсүрэн, зохион байгуулалтын хэлтсийн дарга Б.Лхагвадорж, ахлах нягтлан бодогч О.Хэрлэн нарт чин сэтгэлийн талархал илэрхийлье.
Мөн уг ажлыг дэмжин, бодитой туслалцаа үзүүлсэн Иргэний хэргийн анхан шатны тойргийн шүүхийн Тамгын газрын дарга С.Нэргүйд гүн талархал илэрхийлж байна.
